Pune News : मुळशी तालुक्यात सध्या कडाक्याची थंडी पडत आहे. त्याचा परिणाम होऊन आंब्याच्या झाडांना मोहर फुटत आहे. शेतकरी मोहरासाठी थंडीची वाट पाहत होते. यंदा चांगल्या उत्पन्नाची आशा आहे. तालुक्यात आठ दिवसांपासून चांगली थंडी पडत आहे.

आंब्याच्या झाडांना मोहर फुटण्यासाठी थंडीची गरज असते. सध्या केसर आंब्याच्या झाडांना मोहोर फुटत आहे. या जातीच्या झाडांना लवकर मोहर येत असतो. त्यामुळे तालुक्यातील केसर आंब्याचा हंगाम एप्रिल व मे महिन्यामध्येच मिळू शकेल.

तसेच हापूस, पायरी व रायवळ झाडांना उशिरा मोहर फुटत असतो. त्यामुळे तालुक्यातील या जातीच्या फळांचा हंगाम मे व जूनमध्ये सुरू होतो. केसरचे फळ लवकर येते. त्यामुळे त्याला चांगला भाव मिळतो.

तसेच खाण्यास चव चांगली असल्यामुळे हापूसच्या बरोबरीने दर मिळतो. झाडाची उंची कमी असते. त्यामुळे फळ काढणी, कीटकनाशके फवारणी करणे सोयीचे होते. लागवडीपासून दोन ते तीन वर्षांत उत्पादन सुरू होते. त्यामुळे तालुक्यात केशर आंब्याची लागवड करण्याकडे शेतकरी मोठ्या प्रमाणावर वळले आहेत.

केसर आंब्याचा हंगाम लवकर येणार.

पायरी व रायवळ झाडांना उशिरा मोहर.