Dharashiv News : तुळजाभवानी शेतकरी सहकारी साखर कारखाना नळदुर्ग संचलित गोकुळ शुगर इन्स्टिट्यूट (धोत्री, ता. अक्कलकोट, जि. सोलापूर) यांच्याकडून शेतकऱ्यांची ऊसबीले मिळावीत, यासाठी गुरूवारी (ता. एक) भीक मांगो आंदोलन करण्यात आले.

येथील छत्रपती शिवाजी महाराज चौकापासून भीक मांगो आंदोलनास प्रारंभ झाला.अमोल जाधव, माजी नगरसेवक राहुल खपले यांच्या प्रमुख उपस्थितीत भीक मांगो आंदोलन करण्यात आले.

या वेळी नवनाथ जगताप, राज खपले, शरद जगदाळे, शेतकरी सतिश आडे, महेश कोळेकर, अंकुश लोकरे, वीजु नाईक, संतोष गाडे, अर्जुन कोळेकर, अजित तांबे, संजय देशमुख, शकीर मुलाणी, मोहन कोरेकर, अजित क्षीरसागर आदी उपस्थित होते. या आंदोलनामुळे शेतकऱ्यांच्या ऊस बिलाच्या मागणीकडे लक्ष वेधण्यात आल्याचे माजी नगरसेवक राहुल खपले यांनी सांगितले.