Akola News : राज्यात १ ऑगस्टपासून सुरु झालेली ई-पीक पाहणी अंतर्गत जिल्ह्यात ३ लाख ३२ हजार ४०२ शेतकऱ्यांपैकी २ लाख १२ हजार ८१८ शेतकऱ्यांनी मोबाईल अँपद्वारे तर तलाठीस्तरावर ५८ हजार ३२१ शेतकऱ्यांनी ई-पीक पाहणीची नोंद केली.

शेतकरी व तलाठी स्तरावरील ८२.१० टक्के ई-पीक पाहणी पूर्ण झाली आहे. शासनाकडून २०२१ पासून ई-पीक पाहणी सुरू करण्यात आलेली आहे. या माध्यमातून शेतकऱ्यांनी खरीप हंगामातील पिकांची नोंद ॲपद्वारे करण्याची सोय उपलब्ध करून देण्यात आली.

त्यामुळे ई-पीक पाहणीला प्रतिसाद मिळतो आहे. यंदाही शेतकरी स्तरावरील ई-पीक पाहणी १ ऑगस्ट पासून सुरू करण्यात आली. ई-पीक पाहणी न केल्यास शेतकऱ्यांना पीकविमा आणि पीककर्जापासून वंचित राहावे लागणार असल्याच्या सूचना शासनाने निर्गमित केल्या आहेत.