Nanded News : जिल्ह्यातील १०४ प्रकल्पांत सध्या ५०४.२७ दलघमी उपयुक्त पाणीसाठा असून त्याची टक्केवारी ६९.२६ टक्के इतकी आहे. गेल्या वर्षी ५६३.१९ दलघमी म्हणजेच ७७.३५ टक्के पाणीसाठा होता.

त्यामुळे गेल्या वर्षीच्या तुलनेत जवळपास ८ टक्के पाणीसाठा कमी झाला आहे. आगामी काळातील पाणीटंचाईची परिस्थिती लक्षात घेऊन पाण्याचा जपून वापर करावा लागेल. त्या दृष्टीने जिल्हा प्रशासनाला नियोजन करावे लागणार आहे.

नांदेड पाटबंधारे मंडळाने साप्ताहिक पाणीपातळीचा अहवाल चार दिवसापूर्वी दिला आहे. दरम्यान, मध्यंतरीच्या पावसामुळे थोडाफार दिलासा मिळाला होता.

नांदेड जिल्ह्यातील प्रकल्पांतील उपयुक्त पाणीसाठा, टक्केवारी (पाणीसाठा दलघमीमध्ये)

प्रकल्प दलघमी टक्केवारी

मानार प्रकल्प ८३. ९३ ६०.६३

विष्णुपुरी प्रकल्प ७३.०२ ९०.३८

मध्यम प्रकल्प (नऊ) ७०.६३ ५०.७८

उच्च पातळी बंधारे (नऊ) १४१.२२ ७४.४१

लघु प्रकल्प (८०) १३२.२८ ७६.५५

कोल्हापुरी बंधारे (चार) ३.१९ ४२.८९

एकूण (१०४) ५०४.२७ ६९.२६