Satara News : जिल्ह्यातील ६५ प्राथमिक आरोग्य केंद्रे अद्ययावत करण्यात येतील, असे जिल्हाधिकारी जितेंद्र डुडी यांनी सांगितले.

जिल्हा प्रशासन व जिल्हा परिषद यांच्या वतीने जिल्ह्यातील ६५ प्राथमिक आरोग्य केंद्रांचे रूपांतर स्मार्ट प्राथमिक आरोग्य केंद्रामध्ये करण्यात येणार आहे.

याचा प्रारंभ मुख्यमंत्री एकनाथ शिंदे यांच्या हस्ते करण्यात आला होता. तद्‌नंतर त्याअनुषंगाने जिल्ह्यातील प्राथमिक आरोग्य केंद्रांसाठी आवश्यकतेनुसार बदल करण्याच्या दृष्टीने नियोजन करण्यासाठी जिल्ह्यातील अधिकाऱ्यांची आढावा बैठक जिल्हाधिकारी डुडी यांच्या अध्यक्षतेखाली घेण्यात आली.

जिल्हाधिकारी डुडी म्हणाले, ‘‘जिल्ह्यातील ग्रामीण भागातील लाभार्थींना उच्च प्रतीची आरोग्यसेवा देण्याकरिता जिल्ह्यातील ६५ प्राथमिक आरोग्य केंद्रांत सोलर सिस्टीम, रेन वॉटर हार्वेस्टिंग, स्वागत कमान, अद्ययावत यंत्रसामग्री, संगणकीकरण, आयुष गार्डन, सुसज्ज फर्निचरयुक्त कक्ष, अद्ययावत वॉर्ड आदी उपलब्ध करण्यात येणार आहे.