कामरूप, आसाम (वृत्तसंस्था) ः कामरूप जिल्ह्यातील नगरबेरा बाजार भागातून आसाम पोलिसांनी सोमवारी (ता. २३) युरिया खताच्या (Urea Fertilizer) ४४४ पिशव्या जप्त केल्या.

स्थानिकांकडून मिळालेल्या माहितीच्या आधारावर पोलिसांनी बाजार परिसरात शोध मोहीम राबवून नदी जवळ एका ठिकाणी लपवून ठेवलेल्या युरियाच्या ४४४ पिशव्या जप्त (Urea Seize) केल्या. पोलिस अधिकाऱ्याने सांगितले, की जलजली नदीलगतच्या परिसरातून युरियाच्या ४४४ पिशव्या जप्त करण्यात आल्या.

आम्ही कृषी विभागाशी संपर्क साधून जप्त केलेल्या पिशव्या त्यांच्या ताब्यात दिल्या आहेत. जप्त केलेल्या या पिशव्या अटक करण्यात आलेल्या एका व्यावसायिकाच्या मालकीच्या असल्याचे या अधिकाऱ्याने सांगितले. सीआयडीमध्ये यासंदर्भात गुन्हा दाखल करण्यात आला असून आम्ही सीआयडीच्या संपर्कात आहोत. कायद्यानुसार कारवाई केली जाईल, असे या अधिकाऱ्याने सांगितले.