Nagar News : ‘‘खरिपासाठीच्या पंतप्रधान पीकविमा योजनेत यंदा शेतकऱ्यांचा मोठा सहभाग आहे. पीकविमा योजनेत सहभागी होण्यासाठी १५ दिवसांची मुदतवाढ मिळाली आहे. आतापर्यंत जिल्ह्यातील ४ लाख ३५ हजार शेतकऱ्यांनी ५ लाख २५ हजार हेक्‍टर क्षेत्राचा विमा उतरवला आहे.

एकूण ९ लाख २४ हजार अर्ज आले आहेत. आतापर्यंत दोन हजार ६७२ कोटी रक्कम विम्यापोटी संरक्षित झाली आहे. पंधरा दिवसांत अजून सहभाग वाढेल,’’ असे जिल्हा अधीक्षक कृषी अधिकारी सुधाकर बोराळे यांनी सांगितले.

खरिपातील दहा पिकांसाठी जिल्ह्यात पंतप्रधान पीकविमा योजना राबविली जात आहे. जिल्ह्यात खरिपात प्रामुख्याने भात, बाजरी, मका, तूर, मूग उडीद, सोयाबीन, कापूस, भुईमूग आदी पिके घेतली जात आहेत.

शासनाने यंदा भात पिकांसाठी ८, बाजरीसाठी १०१, भुईमुगासाठी ९०, सोयाबीनसाठी ७५, मुगासाठी ६३, उडदासाठी १५, तुरीसाठी ७९, कापसासाठी ६५ महसूल मंडले अधिसूचित केली आहेत. त्या मंडलांतील शेतकऱ्यांना त्या पिकांचा विमा भरता येत आहे.

तालुकानिहाय शेतकरी संख्या (कंसात संरक्षित क्षेत्र)

अकोले : ११,३५८ (१५,१६३), जामखेड : ३६,९६५ (५०,७१९), कर्जत : २५,१५१ (३३,८६८), कोपरगाव : ३१,३८४ (३७,२३८), नगर : १८,६-६ (२७,०५९), नेवासा : ५४,७२१ (५९,६१३), पारनेर : ४२,०७९ (५४,७३४), पाथर्डी : ३२,५४५ (३८,६६८), राहाता : २९,१६७ (३४,१०३), राहुरी : ३०,२७० (३१,५१२), संगमनेर : ४१,०२३ (४८,०२६), शेवगाव : ३३,४१० (३९,०६१), श्रीगोंदा : २७,९५८ (३०,२०९), श्रीरामपूर : २०,९२९ (२५,८८०)