Beed Election News : माजलगाव येथील खरेदी- विक्री संघ निवडणुकीचा रणसंग्राम सुरु आहे. अर्ज माघार घेण्याचा मंगळवार (ता. ११) शेवटचा दिवस होता. अर्ज मागे घेतल्यानंतर आता १५ जागेसाठी ३१ उमेदवार रिंगणात असून २३ एप्रिल रोजी प्रत्यक्ष मतदान होणार आहे.

खरेदी - विक्री संघाचा निवडणूक कार्यक्रम जाहीर झाला असून या निवडणुकीसाठी भाजपा व राष्ट्रवादी कॉंग्रेसकडुन जोरदार तयारी झाली आहे. दोन्ही पक्षांकडून ही निवडणूक प्रतिष्ठेची करण्यात येत आहे. २७ मार्चला नामनिर्देशन पत्र छाननी झाली.

यामध्ये आक्षेप न आल्याने ५९ अर्ज मंजूर झाले. निवडणुकीमध्ये एकही अर्ज बाद झाला नसल्याने १५ जागेसाठी ५९ उमेदवारांचे अर्ज वैध ठरले होते. मंगळवारी (ता. ११) उमेदवारी अर्ज मागे घेण्याच्या शेवटच्या दिवसापर्यंत २८ उमेदवारांनी आपले उमेदवारी अर्ज मागे घेतले.

त्यामुळे १५ जागेसाठी ३१ उमेदवार निवडणुकीच्या रिंगणात उभे आहेत. बुधवारी (ता. १२) उमेदवारांना चिन्ह वाटप होणार आहे. २३ एप्रिलला मतदान व मतमोजणी होणार आहे. या निवडणुकीत राष्ट्रवादी काँग्रेस पक्ष व भाजपमध्ये दुरंगी लढत होत आहे.

भाजप उमेदवार व मतदार संघ

संस्था मतदार संघ : कदम अशोक नरहरी, चव्हाण धोंडिराम गणेश, जगताप गणपत बाबासाहेब, पवार शंकर गोपीनाथ, बोचरे विश्वंभर मोकींद, वाघमारे दिलीप हरिभाऊ.

वैयक्तीक सभासद मतदारसंघ : गायकवाड मंचक संदीपान,जाधव दीपक राजेसाहेब,जाधव बालाजी आश्रुबा.

महिला प्रतिनिधी मतदारसंघ : कोल्हे बाबई विश्वंभर,ताकट सविता उद्धव.

विजा,भज किंवा विमाप्र मतदारसंघ : चोरमले मोहन नारायण.

इतर मागासवर्गीय : रासवे गणेश निवृती.

अनुसूचित जाती जमाती सदस्य : जाधव विश्वनाथ मुक्ताजी.

राष्ट्रवादी उमेदवार व मतदार संघ

संस्था मतदारासंघ : अत्तार जमिर अमिर, चाळक तुकाराम सदाशिव, जाधव विठ्ठल दादाराव, पाठक भालचंद्र मधुकर, बादाडे संगीता बळिराम, शिंदे सत्यनारायण वसंत, सोळंके बंडू सोपान.

वैयक्तीक सभासद : गरड हरिभाऊ मुंजाजी, रांजवन लालासाहेब हरिभाऊ, शेजूळ श्रीकृष्ण सुधाकर.

महिला प्रतिनिधी : जाधव नीता ज्ञानेश्वर, तांगडे सुभद्रा दताञय.

विज,भज किंवा विमप्र : हुबाले आसाराम गंगाधर.

इतर मागासवर्गीय : गोबरे वैजनाथ सुभाष.

अनुसूचित जाती जमाती : खंडागळे बबन जिजा यांचा समावेश आहे.