औरंगाबाद : येथील कृषी उत्पन्न बाजार समितीमध्ये शनिवारी (ता.२४) खरबुजाची ५५ क्विंटल आवक झाली. त्यांना ८०० ते १२०० रुपये प्रतिक्विंटल तर सरासरी १००० रुपये दर मिळाला. 

औरंगाबाद बाजार समितीमध्ये शनिवारी कलिंगडाची ३७ क्विंटल आवक झाली. सरासरी ८०० रुपये दर मिळाला. ५ क्विंटल आवक झालेल्या पेरूचे सरासरी दर २२५० रुपये राहिले. डाळिंबाची आवक २० क्विंटल, तर सरासरी २००० रुपये दर राहिला. ६ क्विंटल आवक झालेल्या मोसंबीला सरासरी ५५०० रुपये दर मिळाला. ढोबळ्या मिरचीची आवक दहा क्विंटल तर सरासरी दर १३०० रुपये राहिला. ३२ क्विंटल आवक झालेल्या कैरीला सरासरी १७०० रुपये दर मिळाला. 

आंब्याची आवक ४३ क्विंटल तर सरासरी दर ५००० रुपये प्रतिक्‍विंटल राहिला. ८ क्विंटल आवक झालेल्या शेवगा शेंगाचे सरासरी दर ९०० रुपये प्रतिक्विंटल राहिले. १६ क्‍विंटल आवक झालेल्या लिंबाला सरासरी ५००० रुपये दर मिळाला.

फ्लॉवरची आवक २० क्विंटल, तर सरासरी दर २५० रुपये राहिला. २० क्विंटल आवक झालेल्या भेंडीला १७०० रुपये सरासरी दर मिळाला. काकडीची आवक १६ क्विंटल तर सरासरी दर ५५० रुपये राहिला. १२ क्विंटल आवक झालेल्या गवारचे सरासरी दर २२५० रुपये राहिले. १४ क्विंटल आवक झालेल्या वांग्यांना सरासरी ७०० रुपये दर मिळाला. 

कांदा दर सरासरी ५०० रुपये 

टोमॅटोची आवक १३० क्विंटल तर सरासरी दर ५०० रुपये प्रतिक्‍विंटल राहिले. कांद्याची आवक २७७ क्विंटल तर सरासरी दर ५०० रुपये राहिले. ५३ क्विंटल आवक झालेल्या हिरव्या मिरचीला सरासरी १७०० रुपये दर मिळाला. मेथीची आवक ३७०० जुड्या, तर सरासरी दर ६०० रुपये राहिले. ४८०० जुड्याची आवक झालेल्या पालकाला सरासरी २५० रुपये प्रतिशेकडाचा दर मिळाला. कोथिंबीर आवक १४ हजार ५०० जुड्या तर सरासरी दर ४५० रुपये प्रतिशेकडा राहिला.