औरंगाबाद : ‘‘येथील कृषी उत्पन्न बाजार समितीमध्ये शनिवारी (ता. ६) हिरव्या मिरचीची ६० क्‍विंटल  आवक झाली. तिला सरासरी २३०० रुपये प्रतिक्‍विंटलचा दर मिळाला’’, अशी माहिती बाजार समितीतर्फे देण्यात आली. 

औरंगाबाद बाजार समितीमध्ये शनिवारी (ता. ६) कांद्याची ९१२ क्‍विंटल आवक झाली. त्यांना सरासरी १५५० रुपये दर मिळाला. ४३ क्‍विंटल आवक झालेल्या फ्लॉवरचे सरासरी दर ४५० रुपये राहिले. टोमॅटोची आवक १३६ क्‍विंटल, तर सरासरी दर ५०० रुपये प्रतिक्‍विंटल राहिला. ४२ क्‍विंटल आवक झालेल्या वांग्यांना सरासरी ६५० रुपये प्रतिक्‍विंटलचा दर मिळाला. गाजराची आवक ५५ क्‍विंटल, तर सरासरी दर ७५० रुपये राहिले. 

२५ क्‍विंटल आवक झालेल्या काकडीला सरासरी १६०० रुपये दर मिळाला. भेंडीची आवक ५ क्‍विंटल, तर सरासरी दर ३००० रुपये प्रतिक्‍विंटल राहिला. ५२ क्‍विंटल आवक झालेल्या कोबीला सरासरी २२५ रुपये प्रतिक्‍विंटलचा दर मिळाला. लिंबूची आवक ७ क्‍विंटल, तर सरासरी दर ३६०० रुपये प्रतिक्‍विंटल राहिले. १० क्‍विंटल आवक झालेल्या शेवग्याला सरासरी २२५० रुपये दर मिळाला. २० क्‍विंटल आवक झालेल्या पपईला सरासरी ५०० रुपये प्रतिक्‍विंटलचा दर मिळाला. 

दुधी भोपळ्याची आवक ६ क्‍विंटल, तर सरासरी दर ७०० रुपये प्रतिक्‍विंटल राहिला. ३३ क्‍विंटल आवक झालेल्या ढोबळ्या मिरचीला १४०० रुपये प्रतिक्‍विंटलचा दर मिळाला. वाटाण्याची आवक ४५ क्‍विंटल, तर सरासरी दर १४०० रुपये राहिले. कैरीची आवक १२ क्‍विंटल, तर सरासरी दर २७५० रुपये प्रतिक्‍विंटल राहिला. ३२ क्‍विंटल आवक झालेल्या मक्याला सरासरी ५५० रुपये क्‍विंटलचा दर मिळाला. 

बटाट्याला सरासरी ८०० रुपये 

संत्र्यांचे सरासरी दर २२५० रुपये प्रतिक्‍विंटल राहिले. ११४ क्‍विंटल आवक झालेल्या टरबुजाचे सरासरी दर ५५० रुपये प्रतिक्‍विंटल राहिले. ११० क्‍विंटल आवक झालेल्या खरबूजला सरासरी ९०० रुपये प्रतिक्‍विंटलचा दर मिळाला. ३८२ क्‍विंटल आवक झालेल्या बटाट्याला सरासरी ८०० रुपयांचा दर मिळाला. द्राक्षाची आवक ११४ क्‍विंटल, तर सरासरी दर २६०० रुपये प्रतिक्‍विंटलचा दर मिळाला.