Sugarcane Transporter Agrowon
ताज्या बातम्या

Sugarcane Transporter : ऊस वाहतूकदारांच्या कर्जमाफीसाठी आंदोलन करू

Sugarcane Season : ऊस वाहतूकदारांची टोळी मुकादमांकडून फसवणूक होत आहे. याबाबत अनेक ठिकाणी गुन्हे दाखल झालेले आहेत. यामुळे ऊस वाहतूकदार मेटाकुटीला आला आहे.

Team Agrowon

Pune News : ‘‘ऊस वाहतूकदारांची टोळी मुकादमांकडून फसवणूक होत आहे. याबाबत अनेक ठिकाणी गुन्हे दाखल झालेले आहेत. यामुळे ऊस वाहतूकदार मेटाकुटीला आला आहे. त्यामुळे त्यांचे कर्ज माफ करावे, यासाठी आंदोलन उभारण्यात येईल,’’ अशी माहिती महाराष्ट्र राज्य ऊस वाहतूक संघटनेचे अध्यक्ष राजू पाटील यांनी दिली.

इंदापूर शासकीय विश्राम गृह येथे महाराष्ट्र राज्य ऊस वाहतूक संघटनेच्या प्रमुख पदाधिकारी व सदस्यांची बैठक झाली. पुणे, धाराशिव, सोलापूर जिल्ह्यातील प्रमुख ऊस वाहतूकदार या वेली मोठ्या संख्येने उपस्थित होते.

पाटील यांच्याकडे सर्व ऊसवाहतूक मालकांनी व्यथा मांडल्या. मुकादमांकडून झालेल्या फसवणुकीसंदर्भात स्थानिक पोलिस गुन्हे दाखल करून घेत नाहीत. तसेच संबंधित साखर कारखाने ऊस वाहतूकदारांना जामीनदार असलेल्या सभासदांच्या ऊसबिलातून रक्कम कपात करून घेत असल्याबाबत माहिती दिली.

पाटील म्हणाले, ‘‘सांगली, सातारा, कोल्हापूर येथे पैसे घेऊन फसवणूक केलेल्या मुकादमांसह स्थानिक प्रशासनाविरोधात मोर्चे व आंदोलन केल्यामुळे संबंधित गुन्हे दाखल करण्यात आले. लवकरच सोलापूर, पुणे, धाराशिव जिल्ह्यांतही तीव्र स्वरूपाचे आंदोलन करून ऊस वाहतूकदारांचे कर्ज माफ करण्यासाठी सर्वतोपरी प्रयत्न करू.’’

संघटनेचे सचिव प्रकाश सूर्यवंशी, खजिनदार अवधूत पाटील, सांगली जिल्हा अध्यक्ष प्रशांत राजोबा, सोलापूर जिल्हाध्यक्ष हनुमंत फलफले, माळशिरसचे तालुकाध्यक्ष सिध्दार्थ बाड, तुळजापूरचे तालुकाध्यक्ष मोहन भोसले, संतोष जगताप, अशोक व्यवहारे आदी उपस्थित होते.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Hawaman Andaj: ‘डिटवाह’मुळे ढगाळ हवामानाचा अंदाज; राज्यातील तापमानात चढ उतार सुरुच

Raju Shetti: मोठा दिलासा! ऊस आंदोलन प्रकरणाच्या गुन्ह्यांतून राजू शेट्टींसह ८० जणांची निर्दोष मुक्तता

Agrowon Podcast: बेदाणा दर तेजीत,कापूस स्थिर,सोयाबीनमध्ये चढ उतार,मका आवक सुधारली,बोरांना मागणी

Crop Varieties: योग्य वाणाची निवड करणे का गरजेचे असते?

Isapur Dam: इसापूर धरणातून रब्बीसाठी तीन आवर्तने सोडण्यास मंजुरी

SCROLL FOR NEXT