अंबरनाथ, जि. ठाणे : धरणे, जलाशय दुथडी भरून वाहू लागले तरी अंबरनाथच्या (Ambarnath) पूर्व भागातील भेडसावणारी अनियमित आणि अपुऱ्या दाबाने येणारी पाणी समस्या काही दूर होत नसल्याने संतप्त नागरिकांनी (People Protest) पाणी खात्याच्या कार्यालयामध्ये जाऊन ठिय्या आंदोलन केले.

अंबरनाथच्या पूर्व भागात भेडसावणाऱ्या पाणीटंचाईच्या निषेधार्थ भाजपच्या वतीने सर्जेराव माहुरकर यांच्या नेतृत्वाखाली अंबरनाथच्या महाराष्ट्र जीवन प्राधिकरण खात्याच्या कार्यालयावर नागरिकांनी

आंदोलन केले.

पूर्वेकडील ताडवाडी, हाल्याचा पाडा, अश्विनी हॉस्पिटल परिसरात गेल्या काही दिवसांपासून अनियमित आणि अपुऱ्या दाबाने पाणीपुरवठा होत आहे. यामुळे नागरिकांना पाणीटंचाई समस्येला सामोरे जावे लागते.

पावसाळा असल्याने पावसाच्या पाण्याचा नागरिकांना नाईलाजाने वापर करावा लागतो. भर पावसाळ्यातही कधी कधी टँकर मागवावे लागतात, याबाबत माहुरकर यांनी तीव्र शब्‍दांत संताप व्यक्त केला. पाणीटंचाईच्या समस्येवर लवकरच तोडगा काढण्‍यात आला नाही तर

तीव्र आंदोलनाचा थेट इशारा माहुरकर यांनी महाराष्‍ट्र जीवन प्राधिकरणाच्‍या अधिकाऱ्यांना दिला.

सर्जेराव माहुरकर यांच्या नेतृत्वाखालील शिष्टमंडळात राजाराम ठाकूर, दिनेश घोडविंदे, निर्मला पाटील, यशोदा भंडारी,

संगीता तपासे आदींचा समावेश होता.

पाणी समस्येवर लवकरात लवकर

तोडगा काढण्याच्या

मागणीचे निवेदन या वेळी अधिकाऱ्यांना देण्यात आले.