Pune Weather Update: गेल्या तीन दिवसांपासून पुणे जिल्ह्यासह शहरात शुक्रवारी (ता.३) सकाळी आठ वाजेपर्यंत खडकवासला परिसरात सर्वाधिक १०४ मिमी पावसाची नोंद झाली आहे. त्या खालोखाल १०० मिमी पाऊस सिंहगड रस्ता क्षेत्रीय कार्यालयाच्या हद्दीत झाला आहे. ग्रामीण भागातही कमी-अधिक पाऊस असून झालेल्या पावसामुळे पिकांचे मोठे नुकसान झाले आहे..पुणे शहरात गुरुवारी दुपारनंतर अचानक ढगाळ वातावरण निर्माण झाले. दिवसा उकाडा जाणवत असताना दुपारी तीन वाजेनंतर आकाशात काळे ढग जमा झाले. विजांचा कडकडाट, सुसाट वादळी वारे आणि मुसळधार पाऊस सुरू झाला..Pre Monsoon Rain: नेवासा, पाथर्डी तालुक्यांत पूर्वमोसमी पावसाचा तडाखा.महापालिकेच्या आपत्ती व्यवस्थापन विभागाकडून शहरात सुमारे ३० ठिकाणी, तर हवामान विभागाकडून पुणे जिल्ह्यात जवळपास २० पर्जन्यमापक बसविण्यात आले आहेत. त्या माध्यमातून ही पावसाची आकडेवारी समोर आली आहे..पुणे शहरात गुरुवारी दुपारनंतर अचानक झालेल्या वादळी पावसामुळे अनेक ठिकाणी मोठ्या प्रमाणात झाडे कोसळून जनजीवन विस्कळीत झाले. दुपारी सुमारे अडीच वाजल्यापासून मध्यवर्ती अग्निशमन केंद्रात आपत्कालीन कॉल्स येण्यास सुरुवात झाली. दरम्यान, झाड अंगावर पडल्याने एका महिलेचा मृत्यू झाला. अग्निशमन माहितीनुसार, सायंकाळी दलाच्या ६ वाजेपर्यंत झाडपडीच्या एकूण ८२, पाणी शिरल्याच्या ६ आणि सीमाभिंत पडल्याची १ घटना नोंदविण्यात आली. ग्रामीण भागातही अनेक ठिकाणी वादळी वाऱ्यासह जोरदार पाऊस झाला..शुक्रवारी (ता.३) सकाळी आठ वाजेपर्यंत पडलेला पाऊस (मिलिमीटरमध्ये)पुणे शहर : खडकवासला १०४, सिंहगड रस्ता १००, कोंढवा येवलेवाडी ९२, बिबवेवाडी ८१, कोथरूड - बावधन ६७, वारजे - कर्वेनगर ५९, वानवडी-रामटेकडी ५५, येरवडा-कळस ५४, भवानी पेठ ५४, कसबा ५३, विश्रामबागवाडा-ढोले पाटील ५०, क्षेत्रीय कार्यालय ५०, शिवाजीनगर-घोले रस्ता, औंध-बाणेर ५०, हडपसर-मुंढवा ५०, नगररस्ता ५०,.पुणे जिल्हा : एनडीए ८४, शिवाजीनगर ६५, लव्हळे ५१, कोरेगाव पार्क ४३.५, हडपसर ४२.५, पाषाण ३६, मगरपट्टा ३६, दापोडी २९, चिंचवड २८, माळीण १९, निमगिरी १५, डुडूळगाव १३, नारायणगाव १२, तळेगाव ६.५, राजगुरुनगर ४.५, हवेली ३.५, लोणावळा २.५, शिरूर २, बल्लाळवाडी १.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
