नांदेड : राज्यात ई-पीक पाहणी मोहिमेतर्ंगत रब्बीतील पिकांचा (Rabbi Crop) पेरा नोंदणी सध्या सुरु आहे. सोमवारपर्यंत (ता. १७) नांदेड जिल्ह्यात तीन लाख २१ हजार ४८३ खातेदार शेतकऱ्यांनी तीन लाख ८४ हजार ५०८ हेक्टरसाठी पेरा नोंदणी केली आहे.

पेरा नोंदणीसाठी चार दिवस शिल्लक आहेत. उर्वरित सर्व शेतकऱ्यांनी पीक पेरा नोंदविण्याचे आवाहन जिल्हाधिकारी अभिजित राऊत यांनी केले आहे. राज्यात मागीलवर्षी खरीप हंगामापासून महसूल विभाग आणि कृषी विभागाच्यावतीने ई-पीक पाहणी हा संयुक्त प्रकल्प राबवण्यात येत आहे.

माझी शेती, माझा सातबारा, माझा पीक पेरा या घोषवाक्यांचा आधारे शासनाने सुरू केलेल्या पीक पाहणी करण्याची सुरवात १५ ऑगस्ट २०२२ रोजी झाली होती. या मोबाईल अपव्दारे शेतकरी खातेदारांनी पेरा नोंदणी करायची आहे.

सोमवारपर्यंत (ता. १७) नांदेड जिल्ह्यात तीन लाख २१ हजार ४८३ खातेदार शेतकऱ्यांनी तीन लाख ८४ हजार ५०८ हेक्टरसाठी पेरा नोंदणी केली आहे. यानंतर पेरा नोंदणीसाठी चार दिवस शिल्लक आहेत. उर्वरीत सर्व शेतकऱ्यांनी पीक पेरा नोंदणी करावे, असे आवाहन जिल्हाधिकारी अभिजित राऊत यांनी केले आहे.