Farmer Drought Relief: राज्यातील जवळपास दीड कोटी शेतकऱ्यांच्या खात्यामध्ये ५ हजार रुपये देणार आहोत. साधारणपणे दोन दिवसांत हे पैसे बँक खात्यामध्ये जमा होणे सुरु होईल. कुठल्याही परिस्थितीमध्ये दिवाळीपूर्वी सर्व खात्यांमध्ये हे पैसे गेले पाहिजेत. अशा प्रकारचा आमचा प्रयत्न आहे. त्यासाठी आजच्या मंत्रिमंडळाच्या बैठकीत निधीकरिता त्याला मान्यता दिली आहे, अशी माहिती मुख्यमंत्री देवेंद्र फडणवीस यांनी आज (दि. २७ ऑक्टोबर) दिली. .तसेच सक्तीने कर्जवसुली करणाऱ्या मायक्रो फायनान्स कंपन्यांवर फौजदारी गुन्हे दाखल करण्याचे निर्देश त्यांनी दिले आहेत. ते मंत्रिमंडळ बैठकीनंतर पत्रकारांशी बोलत होते. नांदेडमधील शेतकरी मृत्यू प्रकरणाच्या घटनेच्या पार्श्वभूमीवर त्यांनी कडक कारवाईचा इशारा दिला आहे. .Farmer Drought Relief: दीड कोटी शेतकऱ्यांना दिवाळीपूर्वी ५ हजारांची अग्रीम मदत मिळणार; राज्य मंत्रिमंडळाच्या बैठकीत निर्णय.''ज्या प्रकारची घटना नांदेडमध्ये घडली; त्यातून निश्चितपणे अतिशय गंभीर अशाप्रकारचे प्रश्न निर्माण झाले आहेत. म्हणून सर्व पोलीस अधीक्षकांना (एसपी) निर्देश देण्यात आलेले आहेत की कोणीही शेतकऱ्यांना त्रास देत असेल तर तत्काळ शेतकऱ्यांची तक्रार नोंदवून घ्यावी आणि फौजदारी गुन्हा दाखल करावा. मायक्रो फायनान्स कंपन्यांनादेखील आरबीआयच्या माध्यमातून हे सांगण्यात येणार आहे की कुठेही सक्तीने दमदाटी करुन त्यांनी कारवाई करु नये. याबाबत आरबीआयला पत्र दिले जाईल,'' असे मुख्यमंत्र्यांनी सांगितले..ज्या मायक्रो फायनान्स कंपन्या दमदाटी करतील त्याठिकाणी त्यांच्या वरिष्ठ अधिकाऱ्यांवर गुन्हे दाखल केले जातील. याबाबत निर्णय राज्य सरकारने घेतला असल्याचे त्यांनी नमूद केले..Drought Relief: दिवाळीपूर्वी शेतकऱ्यांना अग्रिम ५ हजारांची मदत, मुख्यमंत्री फडणवीसांची घोषणा, आणखी ४० तालुके दुष्काळी यादीत.कर्जत पंप स्टोरेजला विरोध, मुख्यमंत्री काय म्हणाले?कर्जत पंप स्टोरेज प्रकल्पाच्या पार्श्वभूमीवर वाद निर्माण झाला आहे. या प्रकल्पासाठी होत असलेल्या वृक्षतोडीला जोरदार विरोध सुरु आहे. या पार्श्वभूमीवर मुख्यमंत्री फडणवीस यांनी सरकारची भूमिका स्पष्ट केली. हा पंप स्टोरेज प्रकल्प आहे. हा प्रकल्प पूर्णपणे पर्यावरणपूरक असा आहे. आपण सोलर आणि विंड या दोन पॉवरची आपण निर्मिती करतो. पण या पॉवर आपल्याला २४ तास मिळत नाहीत. पाच वाजेनंतर सोलर मिळत नाही. हवा नसेल तर विंड मिळत नाही. त्यामुळे ग्रिडवर त्याचा परिणाम होतो. २४ बाय ७ अपारंपारिक ऊर्जा आपल्याला देता येत नाही, असे ते म्हणाले. .या प्रकल्पाचा विचार केला तर तीन हजार मेगावॅटचा प्रकल्प आहे. जेव्हा तीन हजार मेगावॅट कोळशाची वीज तयार होते; तेव्हा त्यातून तयार झालेले प्रदूषण कमी करण्यासाठी अठ्ठावीस कोटी झाडे लागतात. आपण पंप स्टोरेजला विरोध केला तर कोळशाचीवीज वापरावी लागेल. त्यामुळे जे प्रदूषण होईल त्यासाठी २८ कोटी झाडे आपल्याला लावावी लागतील. जे अशक्य आहे. या प्रकल्पात ९० हजार झाडे लावली जात आहेत. जेवढी जागा घेण्यात आली; त्याच्या दुप्पट जागा वन विभागाला वनीकरणाकरिता देण्यात आलेली आहे. याव्यतिरिक्त ६० हजार झाडे प्रकल्पाच्या ठिकाणी लावली जाणार आहेत. याविषयी अभ्यास न करता बोलले जात आहे, असा दावा मुख्यमंत्री फडणवीसांनी केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
