Ranchi News : एकेकाळी कमालीचे दारिद्र्य आणि नक्षलवादासाठी ओळखणाऱ्या जाणाऱ्या झारखंडमधील गुमला जिल्ह्यातील नाचणीच्या क्रांतीची हार्वर्ड बिझनेस स्कूलनेही दखल घेतली आहे. (Ragi Crop)

गुमला पूर्व भारताची नाचणीची राजधानी झालेली पाहण्यास आवडेल, असे जिल्हाधिकारी सुशांत गौरव म्हणतात.

गौरव यांच्या वतीने केंद्र सरकारच्या कौशल्य विकास मंत्रालयाचे महात्मा गांधी नॅशनल फेलो अविनाश कुमार यांनी हार्वर्ड बिझनेस स्कूलमध्ये नाचणीची ही यशोगाथा सादर केली.

हार्वर्ड स्कूल नाचणीच्या गुमला मॉडेलचा अभ्यास करत असून इतर आंतरराष्ट्रीय संस्थांनाही याची माहिती पाठविली जाईल.

तसेच अधिकाऱ्यांच्या प्रशिक्षणासाठीही हे मॉडेल वापरले जाईल. या कार्याबद्दल लोक प्रशासनातील पंतप्रधान उत्कृष्टता पुरस्कार पंतप्रधान नरेंद्र मोदी यांच्या हस्ते गौरव यांना प्रदान करण्यात आला.