कोल्हापूर : जिल्ह्यात बुधवारीही (ता. १९) बहुतांश ठिकाणी पाऊस (Rainfall) सुरूच होता. सायंकाळच्या सुमारास करवीर, कागल, शिरोळ, हातकणगले तालुक्यांना पावसाने पुन्हा एकदा झोडपून काढले.

सातत्याने होणाऱ्या पावसामुळे शेतीला तातडीने वाफसा येण्याची शक्यता धूसर झाली आहे. यातील काही कारखान्यांनी गळीत हंगामास प्रारंभ केला आहे. एकीकडे जोरदार पाऊस आणि दुसरीकडे हंगामात प्रारंभ अशा कचाट्यात जिल्ह्यातील साखर हंगाम अडकला आहे.

जिल्ह्याच्या पूर्व भागात आगाप लागवडी केलेल्या भाताला मोठा फटका बसला आहे. कापणीस आलेला भात रोजच्या पावसामुळे आडवा होत असल्याने शेतकऱ्यांचे मोठे नुकसान होण्याची शक्यता आहे. पूर्व भागात सोयाबीनने मोठे नुकसान केले आहे. अजूनही पंचनाम्यास सुरुवात झालेली नाही. तरी पंचनामे तातडीने सुरू करण्याची मागणी शेतकरी करीत आहेत.