बुलडाणा : या हंगामात जिल्ह्यामध्ये केंद्र शासनाच्या आधारभूत किंमत योजनेअंतर्गत (Minimum Support Price Scheme) राज्य शासनातर्फे हमीदरात मका, ज्वारी आणि बाजरी खरेदीसाठी (Millet Procurement) नोंदणी (Maize, sorghum and millet Registration) सुरू असून १० नोव्हेंबरपर्यंत मुदत देण्यात आली आहे. ही खरेदी १ नोव्हेंबर ते ३१ जानेवारी २०२३ दरम्यान केली जाणार आहे.

विक्रीसाठी आतापर्यंत सुमारे साडे सहाशे शेतकऱ्यांनी नोंदणी केली असल्याची माहिती जिल्हा पणन अधिकारी पी. एस. शिंगणे यांनी दिली.

या हंगामातील मका, ज्वारी, बाजरी खरेदीला येत्या १ नोव्हेंबरपासून सुरू केली जाणार आहे. मका १९६२ रुपये, ज्वारी २९९० (मालदांडी) आणि ज्वारी २९७० (संकरित) दराने खऱेदी केली जाईल. या केंद्रावर हा शेतमाल विक्रीसाठी शेतकऱ्यांना नोंदणी करणे सुरू झाली आहे.

यंदा पहिल्यांदाच नावनोंदणीसाठी शेतकऱ्यांनी संस्थेत स्वत: हजर राहून छायाचित्र काढणे बंधनकारक आहे. तसेच नोंदणी करण्यासाठी शेतकऱ्यांनी या हंगामाचा सात-बारा उतारा, पिकपेरा, स्पष्ट खाते क्रमांक दिसणारे बँक पासबुकची झेरॉक्स (जनधन पासबुक देण्यात येऊ नये), आधारकार्ड ही कागदपत्रे सादर करणे बंधनकारक आहे.