जळगाव ः मागील म्हणजेच २०२२ च्या खरिपात (Kharif Season) अतिपावसात पिकांची अतोनात हानी (Crop Damage) झाली. पीक नुकसानीचे पंचनामे (Crop Damage Survey) करून प्रशासनाला अहवाल सादर झाला. परंतु जिल्ह्यातील अनेक शेतकऱ्यांना भरपाईसंबंधीचे अनुदान किंवा मदतनिधी मिळालेला नसल्याचे निवेदन आसोदा (ता. जि.जळगाव) येथील शेतकऱ्यांनी नुकतेच विभागीय आयुक्त राधाकृष्ण गमे यांना दिले.

श्री.गमे नुकतेच जळगाव शहरात जिल्हा प्रशासनासोबत बैठकीसंबंधी आले होते. यानिमित्त शेतकऱ्यांनी गमे यांची भेट घेतली. गमे व नंतर जिल्हाधिकारी अमन मित्तल यांनाही याबाबत निवेदन सादर करण्यात आले.

निवेदनात म्हटले आहे की, २०२२ मध्ये खरिपात कापूस, उडीद, मूग, सोयाबीन आदी पिकांची मोठी हानी झाली. पाऊस सतत सुरूच होता. त्यात पिकांची माती, चिखल झाला. काही शेतकऱ्यांचे नुकसान ६० ते ८० टक्के झाले.

अलीकडेच राज्य शासनाने नुकसानग्रस्त शेतकऱ्यांसाठी राज्यभरात ६७५ कोटींवर निधी मंजूर केला आहे. या निधीतून जळगाव जिल्ह्यात आसोदा, भादली व इतर भागातील शेतकऱ्यांना मदतनिधीचे वितरण करावे, अशी मागणी त्यात करण्यात आली.

अलीकडेच राज्य शासनाने नुकसानग्रस्त शेतकऱ्यांसाठी राज्यभरात ६७५ कोटींवर निधी मंजूर केला आहे. या निधीतून जळगाव जिल्ह्यात आसोदा, भादली व इतर भागातील शेतकऱ्यांना मदतनिधीचे वितरण करावे, अशी मागणी त्यात करण्यात आली.