अॅग्रोवन वृत्तसेवा
Pune News : महाराष्ट्र राज्य मार्ग परिवहन महामंडळाने कार्यान्वित केलेल्या महिला सन्मान योजनेचा पुणे विभागातील १७ लाख १४ हजार महिला प्रवाशांनी महिनाभरात लाभ घेतला आहे.

राज्यातील महिलांना महामंडळाच्या सर्व प्रकारच्या बस तिकीट दरात ५० टक्के सवलत देण्याची घोषणा करण्यात आली होती. ही योजना १७ मार्च २०२३ पासून कार्यान्वित केली असून, या अंतर्गत पुणे जिल्ह्यात १६ एप्रिलपर्यंत १७ लाख १४ हजार महिला प्रवाशांनी लाभ घेतला आहे.

कोणत्या आगारात किती लाभार्थी :
जिल्ह्यात शिवाजीनगर आगारातून ः १ लाख १६ हजार, स्वारगेट ः १ लाख ७ हजार, भोर ः १ लाख ५५ हजार, नारायणगाव ः २ लाख ८९ हजार, राजगुरुनगर ः २ लाख २८ हजार, तळेगाव ः ७५ हजार, शिरूर ः १ लाख १८ हजार, बारामती ः २ लाख २८ हजार, इंदापूर ः १ लाख ७१ हजार, सासवड ः ९० हजार, दौंड ः ६३ हजार, पिंपरी-चिंचवड ः ५१ हजार,

एमआयडीसी : ८२ हजार असे एकूण जिल्ह्यात १७ लाख १४ हजार महिला प्रवाशांनी या योजनेचा लाभ घेतला आहे.

यातून एसटी महामंडळाला ६ कोटी ४२ लाख रुपयांचे उत्पन्न मिळाले आहे, अशी माहिती एसटी महामंडळाचे विभागीय नियंत्रक रमाकांत गायकवाड यांनी दिली आहे.