कोल्हापूर ः गार्डन्स क्लबतर्फे घेतलेल्या उद्यान स्पर्धेचा निकाल जाहीर झाला आहे. संजय घोडावत विद्यापीठ, डॉ. डी. वाय. पाटील हॉस्पिटल, गोकुळ दूध संघ, (Gokul milk Union) जयसिंगपूर कॉलेज, किर्लोस्कर ऑइल इंजिन्स, महालक्ष्मी पशुखाद्य, मोर्या अलॉईज व ग्लोबल यांनी विविध गटांतून प्रथम क्रमांक पटकाविला आहे.

गार्डन्स क्लबतर्फे उद्यान स्पर्धा झाल्या. स्पर्धेसाठी खासगी, संस्था, कारखाने असे गट ठेवले. यामध्ये मोठा, मध्यम, लहान व मिनी असे उपगट केल्यामुळे मोठ्या प्रमाणात गार्डन्सप्रेमींनी सहभाग नोंदवला. आर्किटेक्ट देवकी कल्याणकर, केदार कुलकर्णी, वनस्पतीशास्त्रज्ञ प्राध्यापक

डॉ. राजेंद्र सूर्यवंशी, डॉ. सीमा गायकवाड, उद्यानशास्त्र तज्ज्ञ डॉ. बाहुबली माणगावे, डॉ. विनायक शिंदे यांनी परीक्षण केले. गार्डन्स क्लबच्या अध्यक्षा कल्पना सावंत, उपाध्यक्ष शशिकांत कदम, सचिव पल्लवी कुलकर्णी, प्रशांत पाटील, सतीश कुलकर्णी, संगीता कोकितकर, प्राजक्ता चरणे, रेणुका वाधवानी यांनी परिश्रम घेतले.

दरम्यान, गार्डन्स क्लबचा १७ व १८ डिसेंबरला ‘फ्लॉवर शो’ होणार आहे. यामध्ये पुष्प स्पर्धाही होतील. कॅडसन लॅब, एस. स्टी. स्टँड जवळ प्रवेशिका उपलब्ध आहेत. ५ डिसेंबरपर्यंत इच्छुकांनी अर्ज करावेत, असे आवाहन गार्डन्स क्लबतर्फे करण्यात आले.