Agriculture News वडखळ ः महामुंबई सेझ प्रकल्पासाठी (SEZ Project) पंधरा वर्षांपूर्वी शेतकऱ्यांच्या जमिनी संपादित (Land Acquisition) केलेल्या आहेत; मात्र या जमिनींवर कोणताही प्रकल्प उभा राहिला नसल्याने प्रकल्पग्रस्तांकडून जमिनी परत करण्याची मागणी होत आहे.

पेणमधील वाशी गावातील सभेत सेझबाधित शेतकऱ्यांचा सात-बारा कोरा झालाच पाहिजे, अशी मागणी आमदार जयंत पाटील यांनी केली.

खारेपाटामधील शेतकऱ्यांशी आमदार पाटील यांनी संवाद साधला होता. विधिमंडळाच्या अर्थसंकल्पी अधिवेशनात सेझसंदर्भात मंत्र्यांनी दिलेल्या उत्तरानंतर भविष्यात सात-बारा कसा कोरा करता येईल,

यासंदर्भात विचार-विनिमय करण्यात आला. सेझबाधितांच्या जमिनी परत मिळवण्यासाठी आग्रही आहेत. एखाद्या प्रकल्पासाठी संपादित जागेवर १५ वर्षांच्या आत प्रकल्प उभा राहिला नाही,

तर संपादित जागा शेतकऱ्यांना परत करायची असते. त्यानुसार पेण, उरण, पनवेलमधील शेतकऱ्यांचे सातबारे कोरे करण्यासाठी आमदार पाटील यांनी अधिवेशनात लक्षवेधी मांडून सरकारला जाब विचारला.