परभणी : परभणी जिल्ह्यातील सहा तालुक्यातील ८ ग्रामपंचायतींची निवडणूक (Gram Panchayat Election) पूर्णतः बिनविरोध झाली अशी माहिती संबंधित सूत्रांनी दिली. त्यामुळे आता ११९ ग्रामपंचायतींच्या निवडणुकीसाठी रविवारी (ता. १८) मतदान (Voting) घेण्यात येईल तर मंगळवारी (ता. २०) मतमोजणी (Vote Counting) होऊन निकाल जाहीर केले जातील.

परभणी जिल्ह्यातील ऑक्टोंबर ते डिसेंबर या कालावधीत मुदत संपणाऱ्या नऊ तालुक्यांतील १२७ ग्रामपंचायतींच्या सरपंच पदासाठी ६८० उमेदवारी अर्ज तर सदस्यांच्या १०९० जागांसाठी २९७९ उमेदवारी अर्ज दाखल करण्यात आले आहेत.

बुधवार (ता. ७) नामनिर्देशन पत्र मागे घेतल्यानंतर परभणी तालुक्यातील : इटलापूर (दे.), पिंपरी देशमुख, जिंतूर तालुका: डिग्रस, मानवत तालुका: सोनुळा, पाथरी तालुका : गोपेगाव, गंगाखेड तालुका : भांबरवाडी, पूर्णा तालुका : मुंबर, गोविंदपूर या ८ ग्रामपंचायतींची निवडणूक पूर्णतः बिनविरोध झाली असल्याचे स्पष्ट झाले. उर्वरित ग्रामपंचायतीमधील काही जागांची बिनविरोध निवड झाली‌ असे सुत्रांनी सांगितले.