पंढरपूर, जि. सोलापूर ः येथील कोर्टी (कराड चौक) ते वाखरी (बाह्य वळण रस्ता) या रस्त्याचे भूमिपूजन उपमुख्यमंत्री देवेंद्र फडणवीस (Devendra Fadanvis) यांच्या हस्ते कुदळ मारून येथे करण्यात आले.

या वेळी महसूलमंत्री तथा पालकमंत्री राधाकृष्ण विखे पाटील, खासदार रणजितसिंह नाईक निंबाळकर, आमदार सर्वश्री समाधान आवताडे, रणजितसिंह मोहिते पाटील, राम सातपुते, माजी आमदार प्रशांत परिचारक, विभागीय आयुक्त सौरभ राव, जिल्हाधिकारी मिलिंद शंभरकर, मुख्य कार्यकारी अधिकारी दिलीप स्वामी, मुख्य अभियंता अतुल चव्हाण, प्रांत अधिकारी गजानन गुरव, कार्यकारी अभियंता दत्तात्रय गावडे आदी उपस्थित होते. श्री क्षेत्र देहू आळंदी ते पंढरपूर नेवासा पालखीतळ मार्ग विकास आराखडा अंतर्गत तीर्थक्षेत्र पंढरपूर येथील कोर्टी ते वाखरी या तीन किलोमीटर रस्त्याच्या सुधारणा कामासाठी निधी मंजूर झाला आहे.

पंढरपूरमध्ये बाह्यमार्गाद्वारे जाणे आवश्यक असल्याने बांधकाम विभागामार्फत बाह्यवळण रस्ता पंढरपूर शहरालगत करण्यात आला आहे. या रस्त्यावरून येणारी वाहतूक पंढरपूर नगरपरिषद हद्दीतून व उपनगरातून जात आहे. या रस्त्यावरील जड वाहतुकीमुळे पंढरपुरात वाहतूक कोंडी होत असून, अपघातांचे प्रमाण वाढले आहे. या पार्श्‍वभूमीवर कोर्टी-वाखरी रस्ता पर्यायी बाह्यवळण रस्ता म्हणून वापरला