मुंबई : राज्यभरात (Weight Drought) अतिवृष्टीआणि पूरस्थितीमुळे शेतीचे नुकसान (Crop Damage) झाले आहे. संपूर्ण खरीप पिकांचे (Kharip Crop Damage) मोठे नुकसान झाले आहे. रब्बीचा हंगाम (Rabbi Season) सुद्धा धोक्यात आला आहे. त्यामुळे तातडीने ओला दुष्काळ जाहीर करावा,

अशी मागणी विधानसभेचे विरोधी पक्षनेते अजित पवार यांनी मुख्यमंत्री एकनाथ शिंदे यांच्याकडे बुधवारी (ता.१९)केली.

पवार यांनी वर्षा निवासस्थानी मुख्यमंत्री शिंदे यांची भेट घेतली. राज्यातील विविध प्रश्नासंबंधी त्यांच्याशी चर्चा केली. या वेळी ओला दुष्काळ जाहीर करण्याबाबत निवेदन सादर केले.

‘‘कर्नाटक राज्यात कृष्णा नदीवर अलमट्टी धरण बांधल्यापासून कृष्‍णा नदीपात्राच्या पाण्यात फुगवटा निर्माण होऊन नदीकाठच्या गावात पाणी घुसते. त्यामुळे नदीकाठची गावे, शेती व गुरांचे अतोनात नुकसान होते. अलमट्टी धरणाची उंची वाढविणे संयुक्तिक होणार नाही,’’ असेही पवार म्हणाले