Maharashtra Pollution board Notice : राष्ट्रवादीचे आमदार रोहित पवार यांच्या बारामती अॅग्रो या कंपनीवर महाराष्ट्र प्रदुषण नियंत्रण मंडळाकडून कारवाई करण्यात आली. कंपनीला ७२ तासांत प्लांट बंद करण्याचे नोटीस पाठविण्यात आल्याने रोहित पवारांना हा मोठा धक्का मानला जात होता. दरम्यान, या कारवाईला कंपनीच्यावतीने मुंबई उच्च न्यायालयात आव्हान दिले होते. त्यावर न्यायालयाने ६ आॅक्टोबर रोजी होणाऱ्या सुनावणीपर्यंत प्रदुषण मंडळाच्या कारवाईला स्थगिती दिली आहे. कोर्टाच्या या निर्णयामुळे रोहित पवारांना दिलासा मिळाल्याची चर्चा आहे.

राष्ट्रवादी काँग्रेसचे आमदार रोहित पवार यांच्या बारामती अॅग्रो या कंपनीवर महाराष्ट्र प्रदुषण नियंत्रण मंडळाकडून कारवाई करण्यात आली. रात्री २ वाजता या संबंधित नोटीस पाठवून बारामती ॲग्रो प्लांट ७२ तासांत बंद करण्याचे आदेश दिले होते. याबाबत रोहित पवार यांनी ट्विट करत दोन नेत्यांच्या सांगण्यावरून हे घाणेरडे राजकारण सुरू असून या विरोधात लढत राहणार असल्याची भूमिका त्यांनी जाहीर केली होती.

कंपनीच्यावतीने प्रदुषण मंडळाच्या कारवाईला आव्हान देत मुंबई उच्च न्यायालयात धाव घेतली. न्यायालयाने याप्रकरणात ६ आॅक्टोबर रोजी पुढील सुनावणी होणार आहे. तोपर्यंत मंडळाच्या कारवाईवर स्थगिती देण्यात आली होती. न्यायालयाच्या निर्णयामुळे रोहित पवार यांना तात्पुरता दिला मिळाल्याची चर्चा आहे.