Chandur Market Committee News : अमरावती जिल्ह्यातील चांदूर बाजार कृषी उत्पन्न बाजार समितीवर माजी मंत्री आमदार बच्चू कडू यांनी वर्चस्व मिळवले आहे. त्यांच्या गटातील राजेंद्र याऊल यांची सभापती तर गजेंद्र गायकी यांची उपसभापती पदी निवड झाली.

चांदूर बाजार समितीच्या निवडणुकीत आमदार बच्चू कडू आणि कॉंग्रेसचे जिल्‍हाध्‍यक्ष बबलू देशमुख यांच्या गटात लढत झाली. देशमुख यांनी चांगलीच कंबर कसली होती. पण बच्चू कडू यांच्या ‘प्रहार’ने बाजी मारली. बच्चू कडूंच्या शेतकरी पॅनलने १८ पैकी १६ जागा जिंकून एकहाती सत्ता मिळवली. दोन अपक्षांनी या निवडणुकीमध्ये बाजी मारली.

माजी मंत्री आमदार बच्चू कडू यांच्या प्रहार जनशक्ती पार्टीने एकहाती सत्ता काबीज केल्यानंतर सभापती आणि उपसभापतीही त्याच पक्षाचा होणार, हे त्यावेळीच स्पष्ट झाले होते. काल राजेंद्र याऊल यांची सभापती तर गजेंद्र गायकी यांची उपसभापती पदी बिनविरोध निवड झाली.