Ashadhi Palkhi Sohala : प्रत्येक महिन्यात दोन एकादशी असतात. आषाढ महिन्यातील शुक्ल पक्षातील एकादशीला देवशयनी एकादशी किंवा हरिशयनी एकादशी म्हणतात. या आषाढी एकादशीनिमित्त राज्यभरातून लाखो वारकरी पंढरीच्या दिशेने मार्गस्थ झाले झाले आहे. यंदा आषाढी एकादशीला गुरुवार दि. २९ जून रोजी पहाटे ३ वाजून १८ मिनिटांनी प्रारंभ होणार असून ते शुक्रवार दि. ३० जून रोजी पहाटे २ वाजून ४२ रोजी समाप्त होणार आहे.

महाराष्ट्रात आषाढी एकादशी हा दिवस अत्यंत महत्वाचा मानला जातो. दरवर्षी राज्यभरातून लाखो भाविक पायी वारी करीत पंढरपूरच्या विठ्ठलाच्या दर्शनाला जात असतात. विठ्ठल हा विष्णूचा अवतार समजण्यात येतो. महाराष्ट्राच्या काना-कोपऱ्यातून संतांच्या दिंड्या विठ्ठलनामाचा गजर करीत पंढरपुरला पायी चालत येत आहेत. एकादशीच्या दिवशी पंढरपूरात वैश्वांचा मेळा भरतो.

आषाढी एकादशीला पंढरपूरात आषाढी एकादशीच्या दिवशी पंढरपुरामध्ये मोठ्या संख्येने वारकऱ्यांची गर्दी होते. आळंदीहून ज्ञानेश्वरांची, देहूहून तुकारामांची, त्र्यंबकेश्वराहून निवृत्तीनाथांची, पैठणहून एकनाथांची, उत्तर भारतातून कबिराची पालखी येथे येते.

एकादशीच्या आदल्या दिवशी अर्थात दशमीच्या दिवशी वारकरी एकभुक्त राहतात. रात्रीभर हरिभजन करत जागरण करतात. एकादशीला पहाटे उठून स्नान करून तुळस वाहून विठ्ठलाची पूजा करतात. त्यानंतर संपूर्ण दिवस उपवास करत असतात. तसेच दिवसभर विठ्ठल नामाचा जयघोष करत देवाच्या नामस्मरणात घालवता. ज्या लोकांना पंढरपूरचा जाणे शक्य नसते. असे लोक उपवास करून जवळच्या मंदिरात जाऊन विठ्ठलाची आरती, विठ्ठल नामाचा जयघोष करत असतात.