मंचर : चास (ता. आंबेगाव) येथे मेंढपाळाच्या वाड्यावर दोन बिबट्यांनी (leopard) केलेल्या हल्ल्यात दोन शेळ्यांचा (Goat) मृत्यू झाला आहे. तर चार मेंढ्या जखमी झाल्या आहेत. वनविभागाने बिबट्याला जेरबंद करण्यासाठी पिंजरा लावावा, अशी मागणी येथील शेतकरी (Farmer) करीत आहेत.
चास येथे मेंढपाळ नाथा जिजाबा ठोंबरे यांचा शेळ्या (Goat) आणि मेंढ्यांचा वाडा दौलत बारवे यांच्या शेतात मुक्कामी होता. रात्री साडेआठ वाजता कुत्र्याच्या भुंकण्याचा आवाज आल्याने ठोंबरे यांनी बाहेर पाहिले असता दोन बिबट्यांनी (leopard) त्यांच्या पशूधनावर हल्ला केला. यावेळी त्यांनी आरडाओरडा केल्याने बिबट्या पळून गेला. मात्र, बिबट्याच्या (leopard) या हल्ल्यात दोन शेळ्यांचा मृत्यू झाला. ४ मेंढ्या जखमी झाल्या. यात ठोंबरे यांचे अंदाजे २५ हजार रुपयांचे नुकसान झाले. वनरक्षक प्रदीप औटी, वनमजूर सोपान वाळूज यांनी पंचनामा केला आहे.