सोलापूर ः ‘‘पंतप्रधान सूक्ष्म अन्न प्रक्रिया योजनेच्या (PM Micro Food Processing Scheme) माध्यमातून जिल्ह्यात अन्न प्रक्रिया उद्योगाला (Food Processing Industry) मोठी संधी आहे, शेतकऱ्यांनी विशेषतः तरुणांनी त्याचा विचार करावा,’’ असे आवाहन कृषी उपसंचालक राजकुमार मोरे (Rajkumar More) यांनी केले.
कृषी विज्ञान केंद्र, मोहोळ आणि जिल्हा अधीक्षक कृषी अधिकारी, सोलापूर यांच्या वतीने प्रधानमंत्री सूक्ष्म अन्न प्रक्रिया योजनेअंतर्गत नुकतेच जिल्हास्तरीय क्षमता बांधणी व प्रशिक्षण घटकांतर्गत अन्न प्रक्रिया उद्योगावर प्रशिक्षणाचे आयोजन करण्यात आले होते.
मोरे यांच्या हस्ते या प्रशिक्षणाचे उद्‍घाटन झाले. याप्रसंगी राष्ट्रीय रब्बी ज्वारी संशोधन केंद्र, सोलापूरचे वरिष्ठ शास्त्रज्ञ व प्रमुख डॉ. बसवराज रायगोंड उपस्थित होते.
तांत्रिक सत्रांत विविध विषयांवर चर्चा
या निमित्ताने आयोजित तांत्रिक सत्रात दिनेश क्षीरसागर यांनी अन्नप्रक्रिया उद्योगाचे ब्रॅण्डिंग, पॅकेजिंग यावर मार्गदर्शन केले. महेश लोंढे यांनी ज्वारी व भरडधान्ये प्रक्रिया, पोषणमुल्ये, उद्योजकता विकास व विपणन संधी या विषयावर,
कृषी विस्तार विषयाचे विषय विशेषज्ञ डॉ. विशाल वैरागर यांनी उद्योजकता विकास कौशल्ये याबाबत तसेच योजनेअंतर्गत प्रकल्प अहवाल तयार करणे व मूल्यांकन, वित्त व्यवस्थापन याबाबत स्टार कृषी विकास योजना, बँक ऑफ इंडिया, पंढरपूरचे प्रभारी अधिकारी श्यामराव टेळे, फळे समाधान खुपसे यांनी बेदाणा, फळे व भाजीपाला प्रक्रिया तंत्रज्ञान या विषयावर सखोल मार्गदर्शन केले. तसेच प्रात्यक्षिक म्हणून प्रत्यक्ष उद्योगभेटही घडवण्यात आली.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.