Yavatmal News : देशात सर्वात लांब धाग्याचा व उच्च प्रतीचा कापूस हा यवतमाळ जिल्ह्यातील केळापूर तालुक्यात पिकवला जातो. त्यामुळे आंतरराष्ट्रीय बाजारपेठेत या कापसाला मोठी मागणी आहे. या भागाला ‘कॉटन बेल्ट’ म्हटले जात असले तरी येथील शेतकऱ्यांना टेक्स्टाईल पार्कची प्रतीक्षा कायम आहे.
तालुक्यात ९० टक्के शेतकरी कापूस उत्पादक आहेत. परंतु या तालुक्यात एमआयडीसी किंवा लहान मोठा उद्योगधंदा तसेच कापसावर आधारित प्रक्रिया करणारा एकही उद्योग नाही.
निवडणुकीदरम्यान मुख्यमंत्री देवेंद्र फडणवीस यांनी आर्णी येथे जाहीर सभा घेतली. त्यात त्यांनी या भागात टेक्स्टाईल पार्क उभारण्याचे आश्‍वासन दिले होते. आता मुख्यमंत्री आपला शब्द पाळतील का, याकडे लक्ष लागले आहे.
एकमेव सूतगिरणी जमीनदोस्त
पांढरकवडा येथे कापसावर आधारित प्रक्रिया करणारी एकमेव सूतगिरणी होती. त्यामुळे हजारो हातांना काम मिळाले होते. पण राजकीय उदासीनतेमुळे ती आता जमीनदोस्त करण्यात आली. त्यामुळे हजारो कामगार बेरोजगार झाले आहेत. या भागात टेक्स्टाईल पार्क झाल्यास मोठी रोजगार निर्मिती होईल. तसेच कापूस उत्पादक शेतकऱ्यांनाही मोठा फायदा होईल.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.