Palakhi Sohala 2024 : पालखी सोहळ्यात जलसंवर्धन दिंडी

Pune News : संत ज्ञानेश्वर महाराज पालखी सोहळ्याच्या निमित्ताने याावर्षीही व तंत्रशिक्षण विभाग, सावित्रीबाई फुले पुणे विद्यापीठाचे राष्ट्रीय सेवा योजनेच्या वतीने ‘स्वच्छ वारी-स्वस्थ वारी’ ‘निर्मल वारी-हरित वारी’ या उपक्रमाचे आयोजन करण्यात आले आहे.

या अंतर्गत जलसंवर्धन दिंडीचे आयोजन ३० जून ते १७ जुलै या दरम्यान संत ज्ञानेश्वर महाराज पालखी मार्गावर करण्यात येणार आहे. गेल्या २० वर्षांपासून पुणे विद्यापीठ दिंडीची परंपरा सुरू आहे. जलसंवर्धन, पाण्याचा अपव्यय टाळणे, पाण्याचे महत्त्व समाजात पसरवणे हा हेतू आहे.

त्यासोबतच लोकशाही बळकट करण्यासाठी जनजागृती, लोकसंख्या नियंत्रण, जनजागृती व अन्य उपक्रम दिंडीमध्ये आयोजित केले जाणार आहे. या उपक्रमात विद्यापीठाशी संलग्नित महाविद्यालयातील आणि राज्यभरातील विद्यापीठांमधून स्वयंसेवक, शिक्षक व शिक्षकेतर कर्मचारी सहभागी होणार आहेत.

या दिंडीसाठी निवड झालेल्या विद्यार्थी, शिक्षक व कर्मचाऱ्यांनी ३० जून रोजी दुपारी १ वाजेपर्यंत विद्यापीठात उपस्थित राहणे आवश्यक आहे. या दिंडीत सहभागी होणाऱ्या प्राध्यापक व कर्मचाऱ्यांची कर्तव्य रजा मंजूर करण्यात येणार असल्याची माहिती विद्यापीठाने दिली.