Staff Shortage in Govt Hospital: वडवळ नागनाथ येथील पशुवैद्यकीय दवाखाना हा श्रेणी एकचा आहे. मात्र हा दवाखाना विविध समस्यांनी ग्रासला आहे. रिक्त पदांमुळे एक सेवक आणि प्रभारी मनुष्यबळावर कसाबसा चालतो; परिणामी आजारी पशुधनांना वेळेवर उपचार व आवश्यक सुविधा मिळण्यात अडचणी येत आहेत. .दवाखान्यात पाणी नाही, खराब झालेली फरशी, पडलेली संरक्षण भिंत आणि प्रवेशद्वाराला गेट नसल्यामुळे दवाखान्याची अवस्था अत्यंत बिकट झाली आहे. येथील पशुवैद्यकीय दवाखान्यात पशुधनाला वेळेवर उपचार मिळावेत म्हणून शासनाने या दवाखान्यात एकूण चार पदे मंजूर केली आहेत..Veterinary Hospitals: दहा पशुवैद्यकीय दवाखाने बांधणे, १ कोटीच्या औषध खरेदीस मंजुरी.त्यापैकी सद्यःस्थितीत दररोज येथे केवळ एक अंशकालीन परिचर उपलब्ध राहतो तर लसीकरणासाठी मैत्री सेवादाता वैभव कुंभार आणि सेवादाता माधव दर्शने आठवड्यातील काही दिवस दवाखान्यात येतात. पशुधन विकास अधिकारी, एक वर्ण उपचारक आणि एक सेवक अशी तीन पदे रिक्त असल्याने पशुवैद्यकीय दवाखान्याच्या दैनंदिन कामकाजावर सातत्याने मोठा परिणाम होत आहे..कार्यक्षेत्रात दहा गावेयेथील पशुवैद्यकीय दवाखान्याच्या कार्यक्षेत्रात वडवळसह वाघोली, हाळी खुर्द, कडमुळी, ब्रह्मवाडी, सेवापूर तांडा, शंकर नगर तांडा, मोहनाळ, अलगरवाडी, घारोळा या दहा गावांचा समावेश आहे. पशुवैद्यकीय दवाखान्यातील नोंदीनुसार या कार्यक्षेत्रांतर्गत सुमारे गोवंशाचे ८६२, म्हैस वर्गाचे एक हजार ७१८ असे एकूण दोन हजार ५८० पशुधन आहे..Biological Crop Disease Management: जैविक पद्धतीने भुरी नियंत्रण यशस्वी करण्याच्या उपाययोजना.लस, औषधींचा साठा मुबलकपशुधनासाठी आवश्यक असलेल्या विविध लस दवाखान्यात उपलब्ध असून घटसर्प, फऱ्या, लाळ- खुरकत, लंपी, रेबीज तसेच कोंबड्यांसाठीच्या लसी ऋतूनुसार उपलब्ध करून दिल्या जात असल्याची माहिती तेथील अंशकालीन परिचर पद्माकर कसबे यांनी दिली..एक्स-रे व सोनोग्राफीचा अभावपशुधनाच्या गंभीर किंवा तातडीच्या उपचारांसाठी येथे एक्स-रे व सोनोग्राफीचे मशीन उपलब्ध नाही. जनावरांना गंभीर आजार, अपघाती दुखापत किंवा शस्त्रक्रियेची गरज भासल्यास पशुपालकांना खाजगी वाहनाने उदगीर येथे जावे लागते, त्यामुळे त्यांचा वेळ आणि आर्थिक खर्चही वाढतो..प्रभारी डॉक्टरांवर भिस्तपशुधन विकास अधिकारी डाॅ.गणेश कोळी यांना वडवळच्या दवाखान्याचा अतिरिक्त चार्ज देण्यात आला आहे; मात्र त्यांना झरी येथील पशु वरील उपचार तसेच कार्यालयीन कामकाजामुळे त्यांना सतत चाकूरला जावे लागते, ते वडवळला येऊ शकत नाहीत. इमर्जन्सी असेल तर मला फोन करा मी तात्काळ येईन, असे ते सांगतात..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
