Food Supply Crisis: अमेरिकेतील शीतगृहांमध्ये साठवलेल्या अन्नसाठ्यात मोठी घट झाल्याचे नुकत्याच प्रसिद्ध झालेल्या अहवालातून समोर आले आहे. अमेरिकेच्या खात्याच्या (युएसडीए) राष्ट्रीय कृषी सांख्यिकी सेवा (नॅशनल ॲग्रिकल्चरल स्टॅटिस्टिक्स सर्व्हिस - एनएएसएस) विभागाने प्रसिद्ध केलेल्या ‘मार्च २०२६’ च्या ‘कोल्ड स्टोअरेज’ अहवालानुसार, पोल्ट्री उत्पादने, मांस आणि काही फळ-भाज्यांच्या साठ्याने ऐतिहासिक नीचांकी पातळी गाठली आहे. यामुळे जागतिक पुरवठा साखळीवर परिणाम होण्याची शक्यता व्यक्त होत आहे..या अहवालानुसार, चिकन लेग क्वार्टर्सचा (कोंबडीचा मांडीसह पाय आणि थोड्या प्रमाणात पाठीचा भाग) साठा ४९,७९५ हजार पौंडांवर घसरला असून, मे २००३ नंतरचा हा सर्वात कमी मार्च साठा आहे. अमेरिकेकडून होणाऱ्या निर्यातीत महत्त्वाचा असलेला हा घटक कमी झाल्याने आंतरराष्ट्रीय बाजारावर दबाव येऊ शकतो, अशी शक्यता तज्ज्ञांनी वर्तवली आहे..Indian Food Nutrition: उदर भरण नोहे....संपूर्ण टर्की (व्होल टर्की हेन्स) साठा ४४,१५१ हजार पौंडांवर आला असून, मागील वर्षाच्या तुलनेत यात २८ टक्के घट नोंदवली गेली आहे. त्यामुळे अमेरिकेतील आगामी सणासुदीच्या काळात टंचाई निर्माण होण्याची शक्यता असल्याचेही तज्ज्ञांचे म्हणणे आहे. वासराच्या मांसाचा (वील) साठा केवळ ३ लाख ९७ हजार पौंड राहिला असून, १९४४ नंतरचा हा सर्वात नीचांकी साठा आहे. दुग्धव्यवसायात मोठ्या प्रमाणात झालेल्या बदलांमुळे या साठ्यावर परिणाम झाल्याचे तज्ज्ञांचे मत आहे..फळे, भाज्यांमध्येही घटॲप्रिकॉट्स आणि काळ्या रास्पबेरीचा साठा विक्रमी नीचांकी स्तरावर पोहोचला आहे. तसेच, फ्रेंच-कट ग्रीन बीन्स, ब्रोकोली, ब्लॅक-आय पीज आणि सदर्न ग्रीन्स या भाज्यांच्या साठ्यातही मोठी घट झाली आहे. मात्र, ब्लॅकबेरीच्या साठ्यात उच्चांकी वाढ नोंदली गेली आहे. ब्लॅकबेरीने उच्चांकी वाढ गाठल्याने बेरी बाजारात असमतोल स्थिती दिसून येत आहे..Modern Cold Storage: हिंगणघाटला ५ हजार टन क्षमतेचे अत्याधुनिक शीतगृह.निर्यात व बाजारावर परिणामचीनला निर्यात होणाऱ्या ‘चिकन पॉज व फीट’ (कोंबडीचे पाय आणि पंजे) साठ्यात २५ टक्क्यांची घट झाली आहे. एव्हियन इन्फ्ल्युएंझा (बर्ड फ्लू) रोगाचा प्रादुर्भाव आणि व्यापार धोरणांमुळे ही परिस्थिती निर्माण झाल्याचे मानले जात आहे. डुकराच्या मांसातील महत्त्वपूर्ण घटक असणारा ‘पोर्क बेलीज’चा साठा १३ टक्क्यांनी घटल्याने बेकन पुरवठ्यावर परिणाम होऊ शकतो..दरम्यान, ‘मॅच्युअर चिकन हेन्स’च्या साठ्यात तब्बल १८७ टक्क्यांची वाढ झाली आहे. २०२५ मध्ये बर्ड फ्लूमुळे मोठ्या प्रमाणावर कोंबड्यांची विल्हेवाट (कलिंग) लावण्यात आल्याचा हा परिणाम असल्याचे अहवालात नमूद करण्यात आले आहे..कोल्ड स्टोअरेज साठ्याचे चित्रघटक - सद्यःस्थितीपोल्ट्री साठा - चिकन, टर्कीमध्ये मोठी घटमांस - ‘वील’चा १९४४ नंतरचा नीचांकी साठाभाज्या - ग्रीन बीन्स, ब्रोकोलीत घटफळे - ॲप्रिकॉट्स, रास्पबेरीत घटघटत्या मांससाठ्यामागील कारणे - बर्ड फ्लू, निर्यात बदल, उत्पादन घट.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
