Coconut Day: जागतिक नारळ दिनानिमित्त आंतरराष्ट्रीय कार्यशाळा

केंद्रीय कृषिमंत्री नरेंद्र सिंह तोमर (Narendra Singh Tomar) यांच्या उपस्थितीत २ सप्टेंबर रोजी जागतिक नारळ दिन (World Coconut Day) साजरा केला जाणार आहे.

गुजरातमधील जुनागड येथे नारळ विकास मंडळाचे (Coconut Development Board) केंद्र सुरु करण्यात येणार आहे. तोमर यांच्या हस्ते या केंद्राचे उद्घाटन केले जाणार आहे. त्यानंतर तोमर राष्ट्रीय व निर्यात उत्कृष्टता पुरस्कारविजेत्यांची घोषणा करणार आहेत. केंद्रीय कृषी राज्यमंत्री कैलास चौधरी (Kailash Chaudhary) यांच्या उपस्थितीत कोची येथे कार्यक्रम होणार आहे.

नारळ विकास मंडळ (Coconut Development Board) आणि इंटरनॅशनल कोकोनट कम्युनिटी यांनी संयुक्तपणे अनेक कार्यक्रम आयोजित केले आहेत. त्याचाच एक भाग म्हणून कोची येथे २ ते ४ सप्टेंबर दरम्यान 'गुड ॲग्रिकल्चर प्रॅक्टिसेस' या विषयावर आंतराष्ट्रीय कार्यशाळा आयोजित करण्यात आली आहे.

भारतात दरवर्षी नारळ विकास मंडळाच्या (Coconut Development Board) वतीने जागतिक नारळ दिन साजरा केला जातो. 'उज्वल आयुष्य आणि भविष्यासाठी नारळ शेती' ही यंदाच्या नारळ दिनाची थीम आहे.