Agriculture Policy on Turmeric: राज्यातील हळद उत्पादक शेतकऱ्यांना आर्थिक बळ देण्यासाठी फळबाग व फुलशेतीप्रमाणे महात्मा गांधी राष्ट्रीय ग्रामीण रोजगार हमी योजना (मनरेगा) अंतर्गत मसाला पिकांमध्ये हळदीचा समावेश करण्याची मागणी जोर गेली अनेक वर्षे होत आहे. या अनुषंगाने रिसोड तालुक्यातील मोरगव्हाण ग्रामपंचायतीने ठराव घेत आहे या पिकाचा मनरेगामध्ये समावेश करावा, अशी मागणी केली आहे..सध्या मनरेगाअंतर्गत विविध फळबाग लागवडीसाठी अनुदान दिले जाते. मात्र, मोठ्या प्रमाणावर लागवड होणाऱ्या आणि निर्यातक्षम हळद पिकाला या योजनेचा लाभ मिळत नसल्याने शेतकऱ्यांना मोठ्या अडचणीचा सामना करावा लागत आहे. हळद हे पीक अतिशय जोखमीचे असून तयार होण्यासाठी जवळपास एक वर्षाचा कालावधी लागतो..Turmeric Cultivation Issue: असमतोल पावसामुळे हळद लागवडीचे नियोजन बिघडले.तसेच या पिकाला मोठ्या प्रमाणात खर्चही करावा लागतो. त्यामुळे इतर फळपीक व फुल शेतीप्रमाणे मनरेगामध्ये समावेश केल्यास हळद उत्पादक शेतकरी अनुदानास पात्र ठरतील त्यामुळे शेतकऱ्यांना उभारी मिळेल. वाशीम जिल्ह्यासह मराठवाडा आणि विदर्भातील अनेक भागात हळद हे महत्त्वाचे नगदी पीक बनले आहे. लागवडीपासून काढणीपर्यंत मोठ्या प्रमाणात मजुरीचा खर्च येत असल्याने लहान व अल्पभूधारक शेतकऱ्यांना आर्थिक अडचणींचा सामना करावा लागत आहे..Turmeric Cultivation Issue: देशात हळदीची लागवड रखडली.मनरेगा अंतर्गत हळद पिकाचा समावेश झाल्यास मजुरीचा काही खर्च शासनाकडून मिळून उत्पादन खर्च कमी होईल आणि हळद लागवडीला चालना मिळेल. यामुळे ग्रामीण भागात स्थानिक स्तरावर रोजगाराच्या संधी वाढतील, शेतकऱ्यांचे उत्पन्नही वाढेल..त्यामुळे केंद्र व राज्य शासनाने मसाला पिकांमध्ये हळदीचा समावेश करून मनरेगा योजनेचा लाभ देण्याचा निर्णय तातडीने घ्यावा, अशी मागणी हळद उत्पादक शेतकरी आणि विविध शेतकरी संघटनांकडून करण्यात येत आहे. त्या अनुषंगाने मोरगव्हाण येथील ग्रामपंचायतीने तसा ठराव एक मुखाने पास केला आहे. अशा प्रकारचे ठराव इतर ग्रामपंचायतीने करावे, असे आवाहन सरपंच अश्विनी शेषनारायण कोकाटे यांनी केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
