Tractor Sales Fall : देशात यंदा एल निनोच्या प्रभावामुळे मॉन्सून हंगामात पावसाची तूट निर्माण झाली आहे. त्यामुळे ट्रॅक्टर खरेदीकडे शेतकऱ्यांनी पाठ फिरवल्याचे दिसत आहे. सप्टेंबरमध्ये देशाची ट्रॅक्टरची किरकोळ विक्री ऑगस्टच्या तुलनेत १२.६ टक्क्यांनी घटल्याचे फेडरेशन ऑफ ऑटोमोबाइल डीलर्स असोसिएशन म्हणजेच एफएडीएने स्पष्ट केले आहे. .Tractor Finance: वापर वाढतोय; क्षमतावृद्धीचे काय?.खरीप पिकांना मॉन्सून हंगामातील कमी पावसामुळे फटका बसला आहे. तसेच सणासुदीचा हंगाम उशिरा सुरू झाल्यानं ग्रामीण मागणीवर दबाव आला आहे. एफएडीएच्या आकडेवारीनुसार, सप्टेंबरमध्ये देशभरात ७६ हजार ९०६ ट्रॅक्टरची विक्री झाली. ऑगस्टमध्ये ही विक्री ८७ हजार ९७७ इतकी होती..यंदा देशात मागील दहा वर्षांहून अधिक काळातील सर्वात कमी पावसाची नोंद झाली आहे. जून ते सप्टेंबर या कालावधीत पडणारा मॉन्सून देशाच्या वार्षिक पावसापैकी जवळपास ७० टक्के पाऊस देतो. मात्र यंदा पावसाची सरासरीपेक्षा १२.६ टक्के तूट नोंदवण्यात आली आहे..ग्रामीण अर्थव्यवस्था मॉन्सूनवर मोठ्या प्रमाणात अवलंबून आहे. अनेक भागांत मात्र असमान पाऊस आणि दीर्घकाळ पावसाचे खंड पडले आहेत. त्यामुळे शेतकऱ्यांच्या उत्पन्नावर दबाव येण्याची शक्यता आहे. त्यामुळे परिणाम रोख प्रवाहावर होऊन मोठ्या खर्चाच्या वस्तूंची खरेदी पुढे ढकलली जाऊ शकते. त्याचा परिणाम ट्रॅक्टरसारख्या उत्पादनांच्या मागणीवरही दिसू लागला आहे..Tractor Boom Sprayer: ट्रॅक्टरचलित बूम स्प्रेअर.दरम्यान, एकूण वाहनांच्या किरकोळ विक्रीत मात्र वाढ झाली आहे. दुचाकी आणि प्रवासी वाहनांची एकत्रित किरकोळ विक्री वर्षभराच्या तुलनेत ३१.८ टक्क्यांनी वाढून २५ लाख ४० हजारांवर पोहचली आहे. .गेल्यावर्षी केंद्र सरकारने जीएसटीमध्ये कपात केली आहे. मात्र वाहनांच्या उत्पादन खर्चात वाढ झाल्याने कंपन्यांनी किंमतीही वाढवल्या आहेत. त्यामुळे पुढील तिमाहीत आणखी किंमतवाढ झाल्यास करकपातीचा फायदा कमी होऊन वाहनांच्या मागणीवर दबाव येण्याची शक्यता वाहन विक्रेत्यांनी व्यक्त केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
