Amravati News : चांदूरबाजार तालुक्यातील ब्राह्मणवाडा थडी, विश्रोळी, घाटलाडकी, पुरणखेड, निमखेड येथे मंगळवारी (ता. २३) सायंकाळी साडेपाच ते सहाच्या दरम्यान गारपिटीसह वादळी पाऊस झाला. यामध्ये शेकडो घरांवरील टीनपत्रे उडाले, तर दोन मजूर जखमी झाले.
ब्राह्मणवाडा थडी येथे मंगळवारी सायंकाळी सहाच्या दरम्यान वादळी पावसाने धुमाकूळ घातला. यात ४०० ते ५०० घरांवरील काही, तर २० ते २५ घरांवरील पूर्ण टीनपत्रे उडाल्याचे समजते. यात बाहेर गावातील बांधकामासाठी आलेले दोन मजूर जखमी झाले.
याशिवाय ठिकठिकाणी झाडे कोसळली असून वीजतारा तुटल्यामुळे वीजपुरवठा खंडित झाला. झाडे पडल्याने शिरसगाव ते ब्राह्मणवाडी रस्ता काही वेळ बंद होता. तसेच विश्रोळी, घाटलाडकी या गावांना सुद्धा वादळी पावसाचा फटका बसला. तसेच गहू, कांदा, केळी, आंबा पिकांचे नुकसान झाले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
