Badnapur News : वसंतराव नाईक मराठवाडा कृषी विद्यापीठ, परभणी आणि सीएनएच (न्यू हॉलंड) इंडस्ट्रियल इंडिया, नवी दिल्ली यांच्या व्यावसायिक सामाजिक जबाबदारीच्या माध्यमातून शेतकरी व ग्रामीण युवक-युवतींकरिता कौशल्य विकास कृषी यांत्रिकीकरण या विषयावर कृषी विज्ञान केंद्र, बदनापूरच्या (जालना-२) वतीने ४ ते ६ नोंव्हेंबर आणि ७ ते ९ नोंव्हेंबर या कालावधीत दोन वेगवेगळे तीन दिवसीय प्रशिक्षण कार्यक्रम आयोजित करण्यात आले आहेत. या प्रशिक्षणाचे उद्‍घाटन मंगळवारी (ता. ५) करण्यात आले.
शेतकऱ्यांच्या उत्पन्नात वाढ करण्यासाठी यंत्रसामग्रीच्या वापराचे महत्त्व अधोरेखित करण्यासाठी आयोजित करण्यात आलेल्या या कार्यक्रमात ट्रॅक्टर आणि ट्रॅक्टर-चलित यंत्रसामग्रीच्या वापराबाबतचे प्रशिक्षण दिले जाणार आहे. कार्यक्रमाच्या उद्‍घाटन प्रसंगी वनामकृवि, परभणीचे कुलगुरू डॉ. इन्द्र मणि मिश्रा हे अध्यक्ष तथा उद्‍घाटक म्हणून ऑनलाइन पद्धतीने उपस्थित होते.
तसेच विशेष पाहुणे म्हणून संचालक, विस्तार शिक्षण डॉ. भगवान आसेवार, सीएनएच प्रकल्प नोडल अधिकारी तथा संचालक शिक्षण तथा अधिष्ठाता (कृषी) डॉ. उदय खोडके उपस्थित होते. सहयोगी अधिष्ठाता व प्राचार्य डॉ. राकेश अहिरे आणि विभाग प्रमुख कृषी यंत्रे व शक्ती विभाग कृषी अभियांत्रिकी, डॉ. स्मिता सोलंकी यांची प्रमुख उपस्थिती होती.
समन्वयक तथा वरिष्ठ शास्त्रज्ञ डॉ. एस. डी. सोमवंशी यांनी प्रास्ताविक केले. या कार्यक्रमामुळे शेतकऱ्यांना शेतीचे काम सुकर होईल, उत्पादन वाढेल आणि त्यांचे उत्पन्नही वाढेल, अशी अपेक्षा त्यांनी व्यक्त केली. प्रा. गीता यादव यांनी बीबीएफ तंत्रज्ञान आणि कॉटन श्रेडरविषयी मार्गदर्शन केले. कुलगुरू डॉ. मिश्रा यांनी, शेतकऱ्यांनी यंत्रसामग्रीचा वापर करून शेती सुकर करण्याचे आवाहन केले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.