Solapur Monsoon News : सोलापूर जिल्ह्यात गेल्या चार-पाच दिवसांपासून विश्रांती घेतलेल्या पावसाने मंगळवारी (ता.२५) पहाटेपासून पुन्हा एकदा सुरुवात केली. दिवसभर पावसाची संततधार सुरुच होती. त्यामुळे सूर्यदर्शन होऊ शकले नाही, असे असले तरी या पावसात जोर मात्र नव्हता.
गेल्या दोन दिवसांपासून वातावरणात काहीसा बदल झाला होता. कधी ढगाळ, कधी ऊन तर कधी हलका पाऊस अशी स्थिती होती. जिल्ह्यातील पंढरपूर, बार्शी, माढा, मोहोळ, करमाळा आणि सांगोला या भागात तर सातत्याने ही परिस्थिती होती. सोमवारी (ता.२४) सायंकाळपासून पुन्हा पावसाने सुरुवात केली. पण तो रात्री दहा वाजता थांबला. पुन्हा मध्यरात्रीपासून मात्र पावसाने सुरुवात केली. तो मंगळवारी (ता.२५) दिवसभर बरसत राहिला.
गेल्या आठवड्यात याच पद्धतीने पाऊस झाला. त्यावेळीही केवळ भीजपाऊसच झाला. आता चार-पाच दिवसांच्या विश्रांतीनंतर पुन्हा चांगली सुरुवात होईल, अशी अपेक्षा होती. पण पुन्हा भीजपाऊसच झाला. या पावसामुळे पेरणी झालेल्या पिकांना काहीसा दिलासा मिळाला. तसेच जिल्ह्यातील बहुतेक सर्व भाग या पावसाने व्यापला, ही त्यात समाधानाची बाब म्हणावी लागेल. सोमवारी सकाळी आठ वाजल्यापासून ते मंगळवारी सकाळी आठ वाजेपर्यंत प्रशासनाने घेतलेल्या आकडेवारीनुसार सुमारे २४ मिलिमीटर पाऊस झाल्याचे प्रशासनाकडून सांगण्यात आले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.