High Temprature : सूर्याची भट्टी पेटली

Weather News : अकोला येथे हंगामातील उच्चांकी ४५.८ अंश
High Temp
High TempAgrowon

Weather Update : पुणे : सूर्याची भट्टी तापल्याने राज्य भाजून निघत आहे. यातच जगभरात सर्वाधिक तापलेल्या पाकिस्तान आणि राजस्थानातून येणाऱ्या उष्ण वाऱ्यांच्या प्रवाहांमुळे महाराष्ट्रात उष्ण लाटेची स्थिती आहे. राज्यात हंगामातील उच्चांकी ४५.८ तापमानाची नोंद झाली आहे. आज (ता. २६) विदर्भातील अकोला आणि चंद्रपूरमध्ये उष्ण लाटेचा इशारा (येलो अलर्ट) हवामान विभागाने दिला आहे.
उष्ण झळांनी अंगाची लाही लाही होत असून, उकाड्याने घामटा निघत आहे. शनिवारी (ता. २५) राज्यातील अकोला येथे हंगामातील उच्चांकी ४५.८ अंश सेल्सिअस तापमानाची नोंद झाली. जळगाव, ब्रह्मपुरी येथे ४५ अंश तर यवतमाळ, धुळे, वर्धा, वाशीम, अमरावती येथे ४४ अंशांपेक्षा अधिक तापमानाची नोंद झाली आहे.

राज्यात पूर्वमोसमी पावसाने काहीशी उघडीप दिल्याचे चित्र असून, उन्हाचा चटका वाढला आहे. आज (ता. २६) विदर्भातील अकोला आणि चंद्रपूरमध्ये उष्णतेची लाट येण्याचा इशारा असून, उर्वरित राज्यात उन्हाचा चटका तापदायक ठरणार आहे.

शनिवारी (ता. २५) सकाळपर्यंतच्या २४ तासांमध्ये नोंदले गेलेले कमाल तापमान (अंश सेल्सिअस मध्ये) :
पुणे ३७.६, धुळे ४४.४, जळगाव ४५.४, कोल्हापूर ३२.६, महाबळेश्वर ३०.१, नाशिक ४२.८, निफाड ३९.९, सांगली ३५.६, सातारा ३६.४, सोलापूर ४०.६, सांताक्रूझ ३४.६, डहाणू ३५.५, रत्नागिरी ३३.६, छत्रपती संभाजीनगर ४३.४, नांदेड ४२.८, परभणी ४३.५, अकोला ४५.८, अमरावती ४४.०, भंडारा ४२.३, बुलडाणा ४१.५, ब्रह्मपुरी ४५.०, चंद्रपूर ४३.४, गडचिरोली ४२.८, गोंदिया ४१.८, नागपूर ४२.६, वर्धा ४४.२, वाशीम ४४.२, यवतमाळ ४४.५.

High Temp
Weather Update : तापमानाची होळी पेटली

उष्ण लाटेचा इशारा (येलो अलर्ट) :
अकोला, चंद्रपूर.

४४ अंशांपेक्षा अधिक कमाल तापमान असलेली ठिकाणे :
अकोला ४५.८, जळगाव ४५.४, ब्रह्मपुरी ४५, यवतमाळ ४४.५, धुळे ४४.४, वर्धा ४४.२, वाशीम ४४.२, अमरावती ४४.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com