Turmeric Seed
Turmeric Seed Agrowon

Turmeric Seed : हळदीच्या बेण्याची मागणी वाढली

Turmeric Seed Market : हळदीच्या बेण्याची मागणी वाढली. या भागात हजारो क्विंटल हळद बेण्याची विक्री झाली आहे. काही जणांनी परराज्यातून बेणे आणून विक्री केली.

Washim News : हळदीला मागील दोन हंगामापासून चांगला दर मिळत असल्याने लागवड क्षेत्रात पुन्हा वाढ होऊ लागली आहे. हळदीच्या बेण्याची मागणी वाढली. या भागात हजारो क्विंटल हळद बेण्याची विक्री झाली आहे. काही जणांनी परराज्यातून बेणे आणून विक्री केली.

साधारणतः तीन-चार वर्षांपूर्वी हळदीला दर कमी मिळाल्याने अनेकांनी लागवड करणे सोडून दिले. याचा परिणाम क्षेत्र कमी झाले. सोबतच विविध कारणांनी हळदीच्या उत्पादनातही घट आली. गेल्या वर्षी हळद काढणीच्या वेळेस अवकाळी पावसाने थैमान घातल्यामुळे उत्पादकांचे मोठे नुकसान झाले.

Turmeric Seed
Turmeric Seed : शास्त्रोक्त पद्धतीने हळद बेणे साठवणूक

मागील वर्षात हळदीची लागवड कमी झाल्यामुळे व हळदीला मागणी वाढल्यामुळे या हंगामात लागवडीकडे शेतकऱ्यांचा कल निर्माण होत आहे. आता हळदीच्या बेण्याची मागणी सर्वत्र वाढली आहे. स्थानिक शेतकऱ्यांकडे बेण्याची उपलब्धता कमी असल्याने काही जणांनी परराज्यातून हळदीचे बेणे आणून विक्री सुरू केली.

Turmeric Seed
Turmeric Seed : हळद बियाण्याची अवघी १६० टनांचीच विक्री

आतापर्यंत चार ते पाच हजार क्विंटल बेण्याची उलाढाल या भागात झाल्याचे समजते. भोकरखेड येथील शेतकरी सुभाष रंजवे यांनी शेतकऱ्यांची बेण्याची मागणी लक्षात घेत मध्य प्रदेशातून व्यापाऱ्यांच्या सहकार्याने हळद बेणे आणले. आजपर्यंत त्यांनी जवळपास साडेचार हजार क्विंटल हळदीच्या बेण्याची साडेतीन हजार रुपये प्रति क्विंटल दराने विक्री केली आहे.

या वर्षी हळद बियाण्याचा तुटवडा निर्माण झाला आहे. सुरुवातीला चार ते पाच हजार रुपये प्रतिक्विंटल दर देऊनही देणे मिळत नव्हते. आमच्या येथे या वर्षी हळद बियाण्याचा तुटवडा निर्माण झाला आहे. सुभाष रंजवे यांनी साडेतीन हजार रुपये क्विंटलने बेणे उपलब्ध करून दिल्यामुळे हळद लागवड करणाऱ्या शेतकऱ्यांना मोठा दिलासा मिळाला आहे. त्यांना बेण्याची उपलब्धता झाली आहे.
आकाश पाटील, शेतकरी, भोकरखेड, ता. रिसोड. जि. वाशीम

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Agrowon
agrowon.esakal.com