Pune News : थंडीची चाहूल सुरू झाली की कुटुंब किंवा मित्रांसोबत हुरडा पार्टी करण्याचा आनंद काही औरच असतो. मार्केट यार्डात मोठ्या प्रमाणावर हुरडा दाखल होण्यास सुरुवात झाली आहे. खवय्यांकडून हुरड्याला चांगली मागणी आहे. घाऊक बाजारात एक किलो हुरड्याची विक्री ३०० ते ३५० रुपये दराने केली जात आहे. मागील वर्षीच्या तुलनेत हुरड्याच्या दरात यंदा वाढ झालेली आहे.
हॉटेल चालक तसेच हुरडापार्टी आयोजकांसह घरगुती ग्राहकांकडून हुरड्याला मागणी वाढली आहे. नुकताच हंगाम सुरू झाला असल्याने दर अधिक आहेत. मात्र येत्या पंधरा दिवसांत आवकेत मोठी वाढ होईल.
दरवर्षी डिसेंबर महिन्यात हुरड्याचा हंगाम सुरू होतो. त्याची आवक मार्चपर्यंत सुरू असते. फळबाजारात रोज १०० ते २०० किलोची आवक होत आहे. मात्र मागणीच्या तुलनेत आवक कमी असल्याने दर अधिक आहेत. घाऊक बाजारात प्रतिकिलोला ३०० ते ३५० रुपये दर मिळत असल्याचेही मार्केट यार्डातील व्यापारी पांडुरंग सुपेकर यांनी नमूद केले.
बाजारात छत्रपती संभाजीनगर येथून हुरड्याची आवक होत आहे. येत्या पंधरा दिवसांत पुणे, नगर आणि लातूर जिल्ह्यातून आवक सुरू होईल. त्यानंतर बाजारात रोज ४०० ते ५०० किलोपर्यंत आवक होईल. गुळभेंडी आणि गावरान असे हुरड्याचे दोन प्रकार आहेत. या दोन्ही प्रकारच्या हुरड्याला मागणी असते.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.