लातूर : १९६०-७० च्या दशकात अन्नटंचाईशी झुंजणाऱ्या भारताने सध्याच्या घडीला अन्नधान्य उत्पादनात मोठी झेप घेतली आहे. देशात अन्नाची रास वाढली असली, तरी त्यातील सत्त्व म्हणजेच पौष्टिकता टिकवणे आणि देशाची पोषण सुरक्षा बळकट करणे हेच कृषी आणि जैवतंत्रज्ञान क्षेत्रापुढील आताचे सर्वात मोठे आव्हान आहे, असे मत परभणीच्या वसंतराव नाईक मराठवाडा कृषी विद्यापीठाचे माजी कुलगुरू डॉ. अशोक धवण यांनी व्यक्त केले..दयानंद विज्ञान महाविद्यालयाच्या जैवतंत्रज्ञान विभागाच्या वतीने गुरुवारी (ता. २९) वनस्पती ऊतक संवर्धन : आव्हाने, उपाय व भविष्यकालीन संधी या विषयावर आयोजित राज्यस्तरीय कार्यशाळेत ते बोलत होते. दयानंद शिक्षण संस्थेचे ॲकॅडमिक डेव्हलपमेंट ऑफिसर डॉ. जयप्रकाश दरगड अध्यक्षस्थानी होते..Food Security: राज्याने अन्न सुरक्षा गमावली.प्रभारी प्राचार्य डॉ. सिद्धेश्वर बेल्लाळे,आयक्यूएसी समन्वयक डॉ. जे. ए. अंगुलवार, सूक्ष्मजीवशास्त्र प्रमुख डॉ. आर. ए. मोरे आणि जैवतंत्रज्ञान विभाग प्रमुख प्रा. ए. ए. बीडकर यांची प्रमुख उपस्थिती होती. डॉ. ढवण म्हणाले, की कृषी विद्यापीठे आणि भारतीय कृषी संशोधन परिषदेच्या अथक संशोधनामुळे सध्या अन्न अधिशेष देश बनलो आहोत. कोरोना काळात ऐंशी कोटी जनतेला मोफत अन्न पुरवणे, हे याचेच द्योतक आहे. .Food Security Issue : अन्नसुरक्षेचे गंभीर आव्हान.मात्र, केवळ पोट भरणे पुरेसे नसून, शरीराच्या पोषणाची गरज भागवणे भविष्यात महत्त्वाचे ठरणार आहे. यासाठी जैवतंत्रज्ञानात नवनवीन संशोधनाची गरज आहे. ही गरज संशोधकांनी भरुन काढण्याठी पुढे यावे. डॉ. दरगड यांनी तंत्रज्ञान केवळ रोगमुक्त आणि अधिक पौष्टिक पिके विकसित करण्यासाठीच नव्हे, तर लुप्त होणाऱ्या वनस्पतींच्या प्रजाती वाचवण्यासाठीही वरदान असल्याचे सांगितले. विलासराव देशमुख कृषी जैवतंत्रज्ञान महाविद्यालयातील प्रा. डॉ. राहुल चव्हाण यांनी टिश्यू कल्चरचे महत्त्व विशद केले..रोगमुक्त आणि उच्च दर्जाची रोपे तयार करण्यासाठी ही पद्धत वरदान आहे. प्रयोगशाळेतील दुषितता रोखणे आणि कुशल मनुष्यबळ तयार करणे ही या क्षेत्रातील आव्हाने असली, तरी आधुनिक तंत्रज्ञानाच्या साहाय्याने त्यावर मात करणे शक्य असल्याचे त्यांनी सांगितले. नांदेडचे उद्योजक शिवाजी सुपारे म्हणाले यांनी तरुणांनी केवळ नोकरीच्या मागे न धावता शेतीपूरक उद्योगांकडे वळण्याचे आवाहन करताना कमी भांडवलात टिश्यू कल्चर आणि नर्सरी व्यवसाय उभारण्याचा कानमंत्र दिला. या वेळी राज्यभरातून संशोधक विद्यार्थी, प्राध्यापक आणि विद्यार्थी मोठ्या संख्येने उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
