Agriculture Irrigation Scheme : पंतप्रधान कृषी सिंचन योजनेतून शेतीपूरक व्यवसायास मिळेल चालना

पंतप्रधान कृषी सिंचन योजना पाणलोट विकास घटक २.० अंतर्गत मंजूर दोन प्रकल्पातून शेतीपूरक व्यवसायास चालना मिळून शेतकऱ्यांच्या दरडोई उत्पन्नात वाढ होईल, असा विश्‍वास जिल्हाधिकारी मिलिंद शंभरकर यांनी येथे व्यक्त केला.
Irrigation
IrrigationAgrowon

Solapur News : पंतप्रधान कृषी सिंचन योजना (Pradhan Mantri Agriculture Irrigation Scheme) पाणलोट विकास घटक २.० अंतर्गत मंजूर दोन प्रकल्पातून शेतीपूरक व्यवसायास चालना मिळून शेतकऱ्यांच्या दरडोई उत्पन्नात वाढ होईल, असा विश्‍वास जिल्हाधिकारी मिलिंद शंभरकर (Collector Milind Shambharkar) यांनी येथे व्यक्त केला.

पंतप्रधान कृषी सिंचन योजना पाणलोट विकास घटक २.० अंतर्गत पाणलोट कक्ष तथा माहिती केंद्र आढावा सभेच्या अध्यक्षस्थानावरून ते बोलत होते.

या बैठकीत मंजूर प्रकल्प क्र. १ व ३ या दोन प्रकल्पांच्या सविस्तर प्रकल्प अहवालास मान्यता घेण्यासाठी सविस्तर सादरीकरण करण्यात आले.

Irrigation
Pm Kisan Yojana KYC: पीएम किसानच्या लाभापासून राहावं लागेल वंचित; केवायसी कशी कराल?

या बैठकीस पाणलोट कक्ष तथा माहिती केंद्राचे समिती सदस्य, तसेच सदस्य सचिव यांचे प्रतिनिधी सहायक जिल्हा जलसंधारण अधिकारी स्मिता रोंढे यांच्यासह कुर्डुवाडी व माढाचे मंडळ कृषी अधिकारी, कृषी सहायक आदी उपस्थित होते.

जिल्हाधिकारी म्हणाले, की प्रकल्प क्र. १ मध्ये सीएनबी, सीसीटी, शेततळे, विहीर पुनर्भरण ही कामे पूर्ण झाल्यानंतर भौगोलिक क्षेत्र ३०४३.६० हे. क्षेत्रावरील पडणाऱ्या पावसाचा पाणी अडवून एकूण अपधाव १२८९.८८ टीसीएम जलसाठा निर्माण होईल.

तसेच प्रकल्प क्र. ३ मध्ये शेतबांधबंदिस्ती, सामूहिक शेततळे, वैयक्तिक शेततळे, विहीर पुनर्भरण, माती नाला बांध, सिमेंट नाला बांध ही कामे पूर्ण झाल्यानंतर भौगोलिक क्षेत्र ८१२५.०१ हे. क्षेत्रावरील पडणाऱ्या पावसाचा पाणी अडवून एकूण अपधाव ३५२५.९७ टीसीएम जलसाठा निर्माण होईल.

प्रकल्प अहवालाचे सादरीकरण

या वेळी मंडळ कृषी अधिकारी, कुर्डुवाडी यांनी प्रकल्प क्र. १ व मंडळ कृषी अधिकारी, माढा यांनी प्रकल्प क्र. ३ चे सविस्तर प्रकल्प अहवाल सादरीकरण केले.

यामध्ये पाणलोट प्रकल्प संदर्भातील गोळा केलेली मूलभूत माहिती जसे पायाभूत सर्वेक्षण, गाव सहभागीय मूल्यांकन, गावातील विहिरी, पशुधन व चारा उपलब्धता, जमीनधारक, जमिनीचा वापर, पीक उत्पादकतेची माहिती, गावाच्या ऊर्जेची गरज व उपलब्धता, तसेच नैसर्गिक साधनसामग्री आदींची माहिती सादर केली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com