Nagar News : राजूर (ता. अकोले) येथे हिरडा, पाणी, वीज व बुडीत बंधाऱ्याप्रश्नी किसान सभेच्या नेतृत्वाखाली सुरू असलेले आंदोलन मंगळवारी (ता. ९) पाचव्या दिवशी मागे घेण्यात आले. बाळ हिरड्याची सरकारी खरेदी येत्या हंगामात सुरू केली जाईल.
राजूर, कोतुळ व शेंडी येथे स्वतंत्र हिरडा बाजार सुरू करण्यात येईल. १५ फेब्रुवारीपर्यंत बाळ हिरडा आधारभाव जाहीर केले जातील, असे या वेळी मान्य करण्यात आले. आदिवासी विकास विभागाचे महाव्यवस्थापक जयराम राठोड यांनी याबाबत लेखी दिले.
भंडारदरा धरणातील पाणी आदिवासी शेतकऱ्यांना पिण्यासाठी व शेतीसाठी मिळावे, या साठी भंडारदरा धरणात बुडित बंधारे बांधण्यात येतील, यासाठीचा सर्वेक्षण प्रस्ताव तयार झाला आहे. याबाबतची प्रस्ताव प्रत किसान सभेला सादर करण्यात आली.
आदिवासी प्रकल्प अधिकारी राजन पाटील आदी सहभागी झाले. डॉ. अजित नवले, सदाशिव साबळे, नामदेव भांगरे, एकनाथ मेंगाळ, राजाराम गंभिरे, भीमा मुठे, सतीश भांगरे, स्वप्नील धांडे आदींनी चर्चेत भाग घेतला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.