Mahad News : ग्रामपंचायतींचा कारभार सांभाळणाऱ्या ग्रामसेवकांची रायगड जिल्ह्यात तब्बल ११० पदे रिक्त आहेत. तीन-चार वर्षांपासून ही पदे भरली न गेल्याने ग्रामीण भागातील गावगाडा कोलमडला आहे. मात्र आता ग्रामसेवकांची ७१ पदे भरल्‍याने आता गाव गाडा सुरळीत होण्यास मदत होणार आहे.
ग्रामस्थ व प्रशासन यांच्यामधील दुवा म्हणून ग्रामसेवक ओळखला जातो. ग्रामीण जनतेशी प्रत्यक्ष संपर्क साधणारी लोकशाही संस्था म्हणून ग्रामपंचायत ओळखली जाते. ग्रामसेवकाला ग्रामपंचायतीचा सचिव म्हणूनही ओळखले जाते. परंतु २०१८ पासून राज्यामध्ये ग्रामसेवकांची भरती न झाल्याने रायगड जिल्ह्यात ग्रामसेवकांची ११० पदे रिक्त होती.
त्यामुळे एकेका ग्रामसेवकाला तीन ते चार ग्रामपंचायतींचा कारभार सांभाळावा लागायचा. अनेक ग्रामपंचायती डोंगराळ व दुर्गम भागात असल्याने सर्वच गावांत पोहोचणे ग्रामसेवकाला अडचणीचे व्हायचे. शिवाय कार्यरत असणाऱ्या ग्रामसेवकांचा कामाचा ताण वाढला होता.
विविध दाखले व योजनांचा लाभ मिळण्यासाठी ग्रामस्थांना ग्रामसेवकांवर अवलंबून राहावे लागते. ग्रामसभांमध्येही अनेक महत्त्वाचे निर्णय घेतले जातात. परंतु अतिरिक्त पदभारांमुळे या ग्रामसभा घेण्यातही अनेक अडचणी येत होत्या.
परंतु सरकारकडून रायगड जिल्ह्यातील ७१ ग्रामसेवकांची भरती करण्यात आली आहे. यामध्ये १७ ग्रामसेवक वगळता उर्वरित ग्रामसेवक कामावर हजर झाले आहेत. जिल्ह्यातील दक्षिण भागात असलेल्या तालुक्यांमध्ये ग्रामसेवकांची मोठ्या प्रमाणात गरज होती. त्यामुळे या ठिकाणी आता ग्रामपंचायतीची कामे पुन्हा सुरळीत होतील, अशी ग्रामस्थांना अपेक्षा आहे.
ग्रामपंचायतींतील कामे
ग्रामसेवक हा ग्रामपंचायतीचा सचिव असतो. ग्रामपंचायतींमधील सर्वप्रकारचे अभिलेख जतन करणे, सरपंचाच्या मदतीने विकासाची कामे पार पाडणे, विविध शासकीय योजना राबवणे, आवश्यक त्या नोंदी घेऊन अद्ययावत ठेवणे, ग्रामसभा, मासिक सभा बो‍लवणे, त्यांच्या नोटिसा काढून संबंधितांना देणे, विविध कर वसूल करणे, जन्म-मृत्यू, विवाह नोंदणी करणे अशी अनेक कामे ग्रामसेवकांना करावी लागतात.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.