Weather Update: तामिळनाडूतील चेन्नई आणि इतर चार जिल्ह्यांत ईशान्य मॉन्सूनचा पाऊस सक्रिय झाला आहे. यामुळे मंगळवारपासून या भागात मुसळधार पाऊस (Tamil Nadu Rain) पडत आहे. तसेच पुढील दोन दिवस मुसळधार पाऊस कायम राहणार असल्याचा इशारा देण्यात आला आहे. यामुळे खबरदारीचा उपाय म्हणून चेन्नई, तिरुवल्लूर, कांचीपूरम, चेंगलपट्टू आणि रानीपेट या जिल्ह्यांत आज (दि. २१ ऑक्टोबर) शाळांना सुट्टी जाहीर करण्यात आली आहे. .प्रादेशिक हवामान केंद्राच्या माहितीनुसार, बुधवारी पहाटे ६ वाजेपर्यंत चेन्नई आणि इतर जिल्ह्यांत मुसळधार पाऊस झाला. मीनाम्बक्कम येथे १२ सेमी, तर नुंगमबक्कममध्ये ११ सेमी पाऊस पडला. अनेक जिल्ह्यांत पावसाचा जोर कायम राहणार असल्याचा अंदाज हवामान विभागाने वर्तवला आहे. दक्षिण तामिळनाडूमधील काही भागांत 'ऑरेंज अलर्ट' जारी केला आहे. .Maharashtra Weather : राज्यात उन्हाचा चटका कायम राहणार.आज तामिळनाडू किनारपट्टीजवळ बंगालच्या उपसागराच्या नैऋत्य भागात कमी दाबाचे क्षेत्र तयार होण्याची शक्यता आहे. याआधी उत्तर तामिळनाडू किनारपट्टीजवळील नैऋत्य बंगालच्या उपसागरातील चक्राकार वाऱ्याची स्थिती सध्या आहे त्याच ठिकाणी आणि लगतच्या तामिळनाडू किनारपट्टीच्या भागात कायम असल्याचे हवामान विभागाने म्हटले आहे..Solapur Cloudy Weather: सोलापुरात ढगाळ वातावरणामुळे तापमानात घट.यामुळे पुढील २४ तासांत या भागात कमी दाबाचे क्षेत्र निर्माण होण्याची शक्यता आहे. तर चेन्नई, तिरुवल्लूर, चेंगलपट्टू, कुड्डालोर, विल्लुपूरम, तंजावर, तिरुवरूर, नागापट्टनम, मयिलादुथुराई आणि रामनाथपूरम आदी जिल्ह्यांत तसेच पाँडिचेरी आणि कराईकलमधील तुरळक ठिकाणी मुसळधार ते अतिमुसळधार पावसाचा अंदाज व्यक्त करण्यात आला आहे..तिरुनेलवेली आणि थूथुकुडीसह दक्षिण काही जिल्ह्यांमध्ये ऑरेंज अलर्ट जारी करण्यात आला आहे. या जिल्ह्यांत आज आणि उद्या २० सेमीपर्यंत मुसळधार ते अतिमुसळधार पावसाचा इशारा देण्यात आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
