Washim News : जिल्ह्यातील शेतकऱ्यांचा खरीप २०२४ च्या सोयाबीन नुकसानीचा पीकविमा व रब्बी २०२४ मधील हरभरा, गव्हाचा पीकविमा देण्यात यावा, अतिवृष्टी व अवकाळी पावसाने बाधित शेतकऱ्यांना सरकारने जाहीर केलेली मदत तत्काळ मिळावी, या मागण्यांसाठी स्वाभिमानी शेतकरी संघटनेचे युवक प्रदेशाध्यक्ष दामोदर इंगोले यांच्या नेतृत्वात जिल्हा अधीक्षक कृषी अधिकाऱ्यांच्या कार्यालयात मंगळवारी (ता. २१) ठिय्या आंदोलन करण्यात आले.
३१ जानेवारीपर्यंत पीकविमा देण्यासंदर्भात कारवाई करू, असे आश्वासन पीकविमा कंपनीचे जिल्हा व्यवस्थापक सोमेश देशमुख यांनी दिल्यानंतर आंदोलन मागे घेण्यात आले. या वेळी स्वाभिमानीच्या कार्यकर्त्यांसह शेतकरी या आंदोलनात सहभागी झाले होते. पीकविमा व इतर मागण्यांसंदर्भात यापूर्वी दोन व १६ जानेवारीला जिल्हाधिकाऱ्यांना निवेदन देण्यात आले.
मात्र, त्यावर कोणतीही कार्यवाही न झाल्याने मंगळवारी ठिय्या आंदोलन करण्यात आले. वाशीम जिल्ह्यात पीकविम्यासाठी नियुक्त केलेल्या भारतीय कृषी विमा कंपनी (AIC) कडून शेतकऱ्यांना मंजूर झालेली रक्कम देण्यास टाळाटाळ करण्यात येत आहे.
तसेच पीक नुकसानीचे सर्व्हे करतानाही चुकीच्या नोंदी केल्याने शेतकरी अडचणीत आले आहेत. सोयाबीन पिकाचे ८८ हजार सर्व्हे कंपनीने जागेवर बसून केल्याने शेतकऱ्यांचे मोठे नुकसान झाल्याचा आरोप संघटनेने या वेळी केला.
या संदर्भात कंपनीवर कारवाई करून शेतकऱ्यांना न्याय द्यावा. खरीप आणि रब्बी हंगामातील पीकविमा शेतकऱ्यांना द्यावा या मागण्यांसाठी हे आंदोलन करण्यात आले. कंपनीने पीकविमा न दिल्यास हजारो शेतकऱ्यांसह पुढील आंदोलन करण्यात येईल, असा इशारा इंगोले यांनी दिला.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.