Dharashiv News : शेतकऱ्याला जमिनीच्या मोजणीनंतर हद्दी खुणा कायम करून देण्यासाठी पाच हजार रुपयाची लाच मागून तीन हजार रुपयाचा पहिला हप्ता घेताना कळंब येथील उपअधिक्षक भूमी अभिलेख कार्यालयातील भूमापक राजू गंगाराम काळे (वय ५४) याला लाचलुचपत प्रतिबंधक विभागाच्या पोलिसांनी रंगेहाथ पकडले. विभागाच्या पथकाने कळंब येथील छत्रपती शिवाजी महाराज चौकात शुक्रवारी (ता. ९) ही कारवाई केली.
शेतकऱ्याने आपल्या शेतजमिनीची मोजणी करून हद्द कायम करण्यासाठी उपअधीक्षक भूमिअभिलेख कार्यालयात अर्ज दिला होता. त्यानुसार प्रत्यक्ष मोजणी गुरुवारी (ता. ८) रोजी झाली. त्यानंतर काळे याने हद्द कायम करून देण्यासाठी शेतकऱ्याकडे पाच हजाराच्या लाचेची मागणी केली.
ही लाच देण्याची इच्छा नसल्याने शेतकऱ्याने लाचलुचपत प्रतिबंधक विभागाकडे रीतसर तक्रार केली. तक्रारीची शहानिशा करून घेतल्यानंतर विभागाच्या पोलिसांनी शुक्रवारी सापळा लावला. यात शेतकऱ्याकडून पहिला हप्ता म्हणून तीन हजार रुपये घेताना पोलिसांनी काळे याला रंगेहाथ पकडले.
या वेळी पोलिसांनी घेतलेल्या झडतीत काळे याच्याकडून लाचेच्या तीन हजार रुपयांसह सात हजार ६२० रुपये, पिवळ्या धातूची अंगठी, शेतमोजणीची कागदपत्र, मोबाईल आणि लॅपटॉप जप्त करण्यात आले आहेत.
त्याच्याविरुद्ध भ्रष्टाचार प्रतिबंधक कायद्यानुसार कळंब पोलिस ठाण्यात गुन्हा दाखल करण्यात आला आहे. लाचलुचपत प्रतिबंधक विभागाचे पोलिस अधीक्षक संदीप आटोळे, अपर पोलिस अधीक्षक मुकुंद आघाव, पोलिस उपअधीक्षक सिद्धाराम म्हेत्रे यांच्या मार्गदर्शनाखाली विभागाच्या पथकाने ही कारवाई केली.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.